नागपूर -अयोध्येतील राम मंदिरासाठी मुख्यमंत्री उद्धव ठाकरे यांनी एक कोटी रुपयांचा निधी दिला आहे. रामटेकच्या गडमंदिराचा निधी का थांबवला? असा प्रश्न भाजपचे माजी आमदार मल्लिकार्जुन रेड्डी यांनी उपस्थित केला आहे. या संदर्भात त्यांनी मुख्यमंत्र्यांना पत्रही लिहले आहे.
रामटेकच्या गडमंदिराचा निधी का थांबवला?
रामटेक येथील गडमंदिराचा विकास निधी थांबवण्यात आला आहे. त्यामुळे येथील माजी आमदार संतप्त झाले आहेत. बाळासाहेब ठाकरे यांनी रामटेकच्या गडमंदिराचा विकास व्हावा, यासाठी लक्ष घातले आणि पाठपुरावाही केला होता. मात्र, आता त्यांचा पक्ष सत्तेत असूनही बाळासाहेबांच्या सुपुत्रांनी विकास निधीच थांबवला आहे, अशी टीका रेड्डी यांनी केली.