'हल्दीराम'च्या सांबारमध्ये आढळले पालीचे मेलेले पिल्लू

नागपूरच्या प्रसिद्ध हल्दीराम रेस्टॉरंटमधील खाद्य पदार्थात चक्क पालीचे मेलेले पिल्लू आढळल्याने एकच खळबळ उडाली आहे.

नागपूर - शहरातील अजनी चौकातील प्रसिद्ध हल्दीराम रेस्टॉरंटच्या खाद्य पदार्थात पालीचे पिल्लू आढळल्याची घटना घडली आहे. याबाबत यश अग्निहोत्री या व्यक्तीने अन्न आणि औषध प्रशासनाकडे तक्रार केली आहे.

वर्धा येथील यश अग्निहोत्री यांनी हल्दीराम रेस्टॉरंटमधून सांबरची ऑर्डर केली होती. या सांबरमध्ये त्यांना पालीचे पिल्लू मृतावस्थेत आढळले. त्यांनी याची तक्रार अन्न आणि औषध प्रशासनाकडे केली असून अन्न व औषध प्रशासनाने प्रकरणाची चौकशी सुरू केली आहे. तक्रारकर्ते अग्निहोत्री कुटुंबातील २ जणांना या घटनेनंतर रुग्णालयात दाखल करण्यात आले आहे. सध्या त्यांची प्रकृती धोक्याबाहेर आहे.