नागपूर - जिल्हा परिषद निवडणुका तोंडावर असून सर्व राजकीय पक्षांची तयारी जोरात सुरू आहे. जिल्हा परिषदेच्या निवडणुकीनंतर नागपूर महानगरपालिकेची निवडणूक होणार आहे. या निवडणुकीत महापालिकेत भाजपची सत्ता येवू नये, याकरिता काँग्रेसने कंबर कसली आहे.
तानाजी वनवे, विरोधी पक्षनेता मनपा
विधानसभा निवडणुकीत अनपेक्षित यश आल्यानंतर राज्यात सत्ता स्थापना झाली. त्यात राज्यातील सत्तेत काँग्रेसचा वाटा असतांना तोंडावर असलेल्या जिल्हा परिषदेच्या निवडणुकीत देखील भाजपला पराभूत करण्याचा पूर्ण प्रयत्न केला जात आहे. त्यामुळे सध्या जिल्हा परिषदे सोबतच मनपा निवडणुकीची तयारीही काँग्रेसकडून केली जात आहे.