नागपूर -शहरासह जिल्ह्यात सलग चौथ्या दिवशी जोरदार पावसाने हजेरी लावली. गुरूवारी सकाळपासून नागपूर शहरात मेघगर्जनेसह पाऊस सुरू आहे. जिल्ह्यात काही ठिकाणी गारांसह पाऊस झाला. मागील चार दिवसापासून होणाऱ्या पावसामुळे जनजीवन विस्कळीत झाले आहे. अवकाळी पावसामुळे हरभरा, तूर, गहू, कापूस या पिकांचे नुकसान झाले आहे.
नागपुरात सलग चौथ्या दिवशी जोरदार पाऊस
जिल्ह्यातील कळमेश्वर तालुक्यातील मोहपा, पिपळा, किनखेडे गावात गुरूवारी पहाटे गारपीट झाली. पावसामुळे तापमानात प्रचंड घट झाल्याने थंडीचा कडाका वाढला आहे. नागपूरमधील गुरुवारचे किमान तापमान हे 12.3 अंश सेल्सियस इतके नोंदवण्यात आले. गुरूवारी सकाळपर्यंत शहरात 13.4 मिलिमीटर पावसाची नोंद झाली आहे.