नागपूर- मागील ६ महिन्यापासून प्रलंबित असलेल्या संजय गांधी निराधार योजनेची रक्कम तात्काळ वाटप करा. या मागणीसाठी नागपूर भाजपाकडून जिल्हाधिकारी यांना निवेदन देण्यात आले. शिवाय, कोरोना सारख्या महामारीत ही रक्कम लाभार्थ्यांना का दिली नाही? असा प्रश्न यावेळी उपस्थित करण्यात आला.
भाजप नेते चंद्रशेखर बावनकुळे यांच्या नेतृत्वात हे निवेदन देण्यात आले. योजनेची रक्कम लाभार्थ्यांना तत्काळ वाटप करा, अन्यथा तीव्र आंदोलन करू, असा इशारा यावेळी बावनकुळे यांनी दिला. एकीकडे महामारीने नागरिक त्रस्त आहेत. अनेकांना आर्थिक अडचणी येत आहेत. अशावेळी संजय गांधी योजने अंतर्गत येणाऱ्या लाभार्थ्यांना शासनाकडून लाभ न देता थट्टा केल्याचा आरोप बावनकुळे यांनी केला आहे.
माहिती देताना भाजप नेते चंद्रशेखर बावनकुळे