नागपूर -पोलीस उपायुक्तांनी नंदनवन पोलीस स्टेशनमध्ये छापा टाकत कारवाई केली आहे. या कारवाईत ३४ ग्रॅम अमली पदार्थ आणि २ लाख ४५ हजार रुपये जप्त करण्यात आले असून ड्रग्स माफियांशी संबंध असलेल्या पाच पोलिसांवर कारवाई करण्यात आली आहे. या घटनेमुळे नागपूर पोलीस दलात खळबळ उडाली आहे.
नागपूरात पोलिसांचेच ड्रग्स माफियांशी साटेलोटे, पाच पोलीस निलंबित
नागपूरमधील नंदनवन पोलिसांच्या गुन्हे शोध पथकाने १४ ऑक्‍टोबरला अमली पदार्थ जप्त केले होते. या कारवाईत जमाल शेख आणि जावेद अली यांच्यासह त्यांच्या काही साथीदारांना अमली पदार्थासहित पकडले होते. या कारवाई दरम्यान जमाल पोलिसांना गुंगारा देऊन पळून गेला होता. हे प्रकरण दाबण्यासाठी आरोपी जावेदला हवालदार सचिन एनप्रेड्डीवार यांनी अडीच लाखांची मागणी करत जप्त केलेले ड्रग्ससुद्धा ठेवून घेतले होते.
हेही वाचा -मुंबईत लिफ्टमध्ये अडकून महिलेचा मृत्यू