बंगालमध्ये लोकशाहीची हत्या झाली - फडणवीस

बंगालमध्ये आज (दि. 4 मे) लोकशाहीची हत्या आहे. लोकशाहीला काळीमा फासणारी ही परिस्थिती सगळीकडे निर्माण झाली आहे, अशी प्रतिक्रिया विरोधी पक्षनेते देवेंद्र फडणवीस यांनी दिली आहे.

नागपूर - बंगालमध्ये आज (दि. 4 मे) लोकशाहीची हत्या आहे. लोकशाहीला काळीमा फासणारी ही परिस्थिती सगळीकडे निर्माण झाली आहे. निवडणुकीच्या निकालानंतर भाजपच्या कार्यकर्त्यांवर हल्ले केले जात आहे. कार्यकर्त्यांची घरे जाळली जात आहेत. महिलांसोबत दुरव्यवहार केले जात आहे ही भयानक परिस्थिती बंगालमध्ये आहे. ते विमानतळावर माध्यमांशी बोलत होते.

देवेंद्र फडणवीस असेही म्हणाले की, मला आश्चर्य वाटते स्वतःला पुरोगामी म्हणून सकाळपासून माध्यमांसमोर येणारे नेते यावर एकही शब्द बोलत नाही. साधा निषेध करायला तयार नाही, यामुळे या हिंसाचाराला समर्थन आहे का, असा सवालही फडणवीस यांनी उपस्थित केला.

हेही वाचा -नागपुरात साडे तीनशे इंटर्न डॉक्टर्स संपावर; कोविड भत्त्यासह विविध सोयी सुविधांची मागणी