नागपूर - दिल्ली-चेन्नई या तामिळनाडू एक्स्प्रेसमधून प्रवास करणाऱ्या कोरोना संशयितास रेल्वेतून उतरवण्यात आले आहे. हा प्रकार नागपूरच्या रेल्वे स्थानकावर घडला असून त्याच्या मनगटावर असलेल्या होम क्वारंटाइनच्या शिक्क्यामुळे तो निदर्शनास आला.
हातावर क्वारंटाइनचा शिक्का असलेल्या कोरोना संशयिताला रेल्वेतून खाली उतरवले
२२ वर्षीय तरुण हा रशियामध्ये वैद्यकीय शिक्षण घेत असून तो राशियावरून दिल्लीला आला होता. दिल्लीमध्ये त्याच्या मनगटावर होम क्वारंटाइनचा शिक्का लावला होता. परंतु, दिल्लीतच थांबण्याऐवजी तो मुळगाव असलेल्या आंध्र प्रदेशातील विजयवाडा येथे जाण्यासाठी तामिळनाडू एक्सप्रेसने निघाला.