नागपूर : नागपुरात कोरोनाने कहर केला आहे. आता नागपूर शहराचे महापौर दयाशंकर तिवारी यांना कोरोनाची लागण झाली आहे. महापौरांनी स्वतः या बद्दल माहिती दिली आहे. माझ्या संपर्कात आलेल्या प्रत्येकाने कोरोना चाचणी करून घ्यावी, असे आवाहनही दयाशंकर तिवारींनी केले आहे. दरम्यान, त्यांची तब्येत उत्तम आहे. ते सध्या गृह विलगीकरणात आहेत.
गेल्या काही महिन्यांपासून नागपूर शहरात कोरोनाचा प्रादुर्भाव वाढलेला आहे. कोरोना रुग्णांची संख्या ४० हजारांपेक्षा जास्त झाली आहे. त्यातच आरोग्य व्यवस्था कोलमडलेली आहे. अश्या परिस्थितीमध्ये नागपूर महानगराचे पहिले नागरिक म्हणून महापौर दयाशंकर तिवारी सातत्याने लोकांना भेटून त्यांच्या तक्रारी सोडवण्याचा प्रयत्न करत आहेत. दोन महिन्यांपूर्वीच ते नागपूरचे महापौर म्हणून निर्वाचित झाले आहेत. तेव्हापासून ते सतत कार्यरत आहेत. आज त्यांना कोरोना झाला आहे.
काही दिवसांपूर्वी घेतली होती लस