नागपूर - येथील निवडणूक तुम्ही सर्वजण सांभाळत आहात, त्यामुळे मी आता प्रचाराला येणार नाही, असे भावनिक आवाहन मुख्यमंत्री देवेंद्र फडणवीस यांनी केले. फडणवीस नागपूर दक्षिण-पश्चिम मतदारसंघातून निवडणुक लढवत आहेत. यावेळी झालेल्या प्रचारसभेत ते बोलत होते
मुख्यमंत्री देवेंद्र फडणवीसांचे नागपूरकरांना भावनिक आवाहन
मी महाराष्ट्रात पक्षाच्या प्रचारासाठी जातो आणि असा रणकंदन निर्माण करतो की, भाजप मोठ्या प्रमाणात विजयी होईल आणि विरोधकांचा सुपडा साफ होईल. फक्त तुमचा आशीर्वाद द्या, अशा शब्दात फडणवीसांनी त्यांच्या मतदारसंघातील मतदारांचा आशीर्वाद मागत त्यांचा निरोप घेतला. फडणवीस सध्या राज्यभर प्रचारात व्यस्त असून त्यांनी त्यांच्या स्वतःच्या दक्षिण- पश्चिम नागपूर या मतदारसंघात फक्त दोनच सभा घेतल्या आहेत.