नागपूर - यंदा अतिवृष्टी आणि त्यानंतर आलेल्या परतीच्या पावसामुळे शेतकऱ्यांचे मोठे नुकसान झाले आहे. या संकटातून अद्याप उभरले नसताना शेतकऱ्यांसमोर बोंडअळीचे संकट उभे ठाकले आहे. बोंडअळीमुळे सावनेर, काटोल, कळमेश्वरसह इतर तालुक्यातील कापसाच्या पिकाचे नुकसान होऊन उत्पन्नात घट झाल्याचे शेतकऱ्यांकडून सांगण्यात आले.
माहिती देताना 'ईटीव्ही भारत' प्रतिनिधी
वाढती थंडी बोंडअळीसाठी पूरक वातावरण निर्माण करत आहे. त्यामुळे, जिल्ह्यातील कापूस पिकाला नुकसान होत आहे. दरवर्षी एकरी १५ ते २० क्विंटल कापसाचे उत्पन्न व्हायचे. परंतु, यंदा त्यात घट होऊन उत्पन्न एकरी ६ ते ७ क्विंटलवर आले आहे. त्यामुळे, शेतकरी चिंतेत सापडला आहे. आधीच परतीच्या पावसात सोयाबीन पीक गेले, आणि आता कसेबसे वाचवलेले कापूस पीक बोंडअळीच्या घशात जाताना शेतकऱ्यांना पाहावे लागत आहे.