नागपूर - पुलवामा हल्ल्यात वीरमरण आलेल्या जवानांना श्रद्धांजली वाहण्यासाठी, आज(शुक्रवार) नागपुरात बजरंग दलाच्या कार्यकर्त्यांनी रॅलीचे आयोजन केले होते. याच रॅलीमध्ये बजरंग दलाच्या कार्यकर्त्यांनी ‘व्हॅलेंटाईन डे विरोध’ हा दरवर्षीचा कार्यक्रमही उरकून घेण्याचा प्रताप केला आहे.
पुलवामा हल्ल्यात हुतात्मा झालेल्या जवानांच्या श्रद्धांजलीतच बजरंगदलाने उरकला 'व्हॅलेंटाईन डे' निषेध
दरवर्षी 'व्हॅलेन्टाईन डे'चा निषेध बजरंग दलाच्या कार्यकर्त्यांकडून केला जातो. मात्र, यावर्षी सरळ निषेध न करता पुलवामा हल्ल्यातील वीरमरण आलेल्या जवानांना श्रद्धांजली वाहण्याचा कार्यक्रमासह 'व्हॅलेन्टाईन डे'चा निषेधही उरकून घेतला आहे.