नागपुरात 'स्कूल'बसचा अपघात, सुदैवाने जीवितहानी टळली

छत्रपती चौकात स्कूल बस आणि खासगी कंपनीच्या बसमध्ये अपघात झाला. स्कूलबसमध्ये विद्यार्थी नसल्याने सुदैवाने जीवितहानी झाली नाही. मात्र, स्कूल बसचा चालक किरकोळ जखमी झाला आहे.

नागपूर- छत्रपती चौकात स्कूल बस आणि खासगी कंपनीच्या बसमध्ये अपघात झाला. या अपघातात स्कूल बस उलटली आहे. सुदैवाने अपघाताच्या वेळी शाळेच्या बसमध्ये विद्यार्थी नसल्याने मोठी घटना टळली आहे.

अपघातग्रस्त स्कूलबस ही एसओएस शाळेची आहे, तर खाजगी बस ही दिनशा कंपनीची आहे. स्कूल बस शाळेच्या मुलांना आणण्यासाठी जात होती. तर खासगी बस वर्धा रोडने नागपूरच्या दिशेने जात होती. सुदैवाने शाळेच्या बसमध्ये एकही विद्यार्थी नसल्यामुळे कोणतीही दुर्दैवी घटना घडली नाही. मात्र, स्कूलबसचा चालक किरकोळ जखमी झाला असल्याची माहिती आहे.

हेही वाचा -अमेरिकेतून परतलेल्या प्रवाशाला कोरोनाची लागण झाल्याचे स्पष्ट