युनिसेफचा पुढाकार; विद्यार्थ्यांसाठी तयार केले 'महाकरिअर पोर्टल'

नववीपासून बारावीपर्यंत शिक्षण घेत असलेल्या लाखो विद्यार्थांना याचा लाभ होणार आहे. प्रवेशापासून संस्था, महाविद्यालय त्यांच्याकडे असलेले अभ्यासक्रम, त्याचा कालावधी, शुल्क, प्रवेश परीक्षा, शिष्यवृत्ती, उपलब्ध संधी आदी माहिती या पोर्टलवर मिळणार आहे.

मुंबई - युनिसेफने तयार केलेल्या 'महाकरिअर पोर्टल'वर राष्ट्रीय आणि आंतरराष्ट्रीय पातळीवरच्या 556 अभ्यासक्रमांची माहिती मिळणार आहे. यासोबतच या पोर्टलवर 21 व्यावसायिक संस्थांची माहितीही उपलब्ध करण्यात आली आहे. नववी ते बारावीच्या विद्यार्थ्यांना या पोर्टलचाफायदा होणार आहे. युनिसेफ आणि राज्य शैक्षणिक संशोधन व प्रशिक्षण परिषेदेच्या एकत्रित सहकार्याने हे पोर्टल तयार करण्यात आले आहे.

या पोर्टलचे उद्घाटन शनिवारी शालेय शिक्षणमंत्री वर्षा गायकवाड यांनी केले. करिअर निवडताना आधुनिक अभ्यासक्रमांची अत्यंत उपयुक्त माहिती ‘महाकरिअर पोर्टल’ च्या माध्यमातून एकाच ठिकाणी उपलब्ध झाली आहे. यामुळे विद्यार्थ्यांना याचा अधिक फायदा होईल. या पोर्टलचा अधिकाधिक विद्यार्थ्यांनी लाभ घ्यावा, असे आवाहन प्रा. वर्षा गायकवाड यांनी केले आहे.

हेही वाचा -ईटीव्ही भारत इम्पॅक्ट : ‘रतन इंडिया’च्या कामगारांच्या वेतनाचा प्रश्न तत्काळ सोडवा, निवासी उपजिल्हाधिकाऱ्यांचे कंपनीला आदेश

नववीपासून बारावीपर्यंत शिक्षण घेत असलेल्या लाखो विद्यार्थांना याचा लाभ होणार आहे. प्रवेशापासून संस्था, महाविद्यालय त्यांच्याकडे असलेले अभ्यासक्रम, त्याचा कालावधी, शुल्क, प्रवेश परीक्षा, शिष्यवृत्ती, उपलब्ध संधी आदी माहिती या पोर्टलवर मिळणार आहे. युनिसेफ इंडियाचे शिक्षण विभागप्रमुख टेरी डुरियन यांनी हे पोर्टल तयार केले आहे.