प्रियकर तुझा की माझा? एका प्रियकरासाठी दोन प्रेयसींची फ्रिस्टाईल हाणामारी, व्हिडिओ तुफान व्हायरल

दोन तरूणींची एकाच मुलासाठी फ्री स्टाईल दे दणा दन हाणामारी झाल्याचा व्हिडिओ समोर आला आहे. विक्रोळी पूर्व येथील टागोरनगर परिसरातील सर्व्हिस रोडवरील हा व्हिडिओ आहे.

मुंबई -आजवर तुम्ही दोन प्रियकरांची एकाच प्रेयसीसाठी चढाओढ, हाणामारी झाल्याचे तुम्ही पाहिले असेल. पण, आता दोन तरूणींची एकाच मुलासांठी फ्री स्टाईल दे दणा दन हाणामारी झाल्याचा व्हिडिओ समोर आला आहे. विक्रोळी पूर्व येथील टागोरनगर परिसरातील सर्व्हिस रोडवरील हा व्हिडिओ आहे.

• बॉयफ्रेंडवर प्रेम केल्याने तरूणीला दिला चोप -

व्हिडिओत असे दिसत आहे, की एका मुलीला दोन मुली मारत आहेत. एका तरूणीने दुसऱ्या मुलीच्या बॉयफ्रेंडसोबत प्रेम केले. त्यामुळे तिला दोन तरूणी मारत असल्याचा दावा केला जात आहे. या मुली कोण आहेत, यासंदर्भात काहीही माहिती मिळाली नाही. मात्र हा व्हिडिओ आता सोशल मीडियावर तुफान व्हायरल होत आहे.

• सोशल मीडियावर प्रसिध्दीचा फंडा असल्याचा संशय -

या संदर्भात विक्रोळी परिसरातील पोलीस ठाण्याशी संपर्क साधला असता यासंदर्भात कोणतीही तक्रार अद्याप तरी आलेली नाही, असं पोलिसांनी सांगितलं आहे. मात्र सर्व्हिस रोडवरचा हा प्रकार आहे, असं दृश्यातून दिसत आहे. अशी माहितीही पोलिसांकडून मिळाली आहे. यापूर्वीही या मुलींचा असाच काहीसा व्हिडिओ व्हायरल झाल्याचे देखील कळत आहे. त्यावरून या मुली लाईक्स, फॉलोअर्स आणि शेअर्ससाठी असा व्हिडिओ करत नाही ना? अशी देखील चर्चा सोशल मीडियावर रंगत आहे.

हेही वाचा -दिल्लीत डोकं वर काढून आंदोलन करायचं मात्र महाराष्ट्रात तोंड लपवत फिरायचं - देवेंद्र फडणवीस