मुंबई - पूर्वद्रुतगती मार्गावरून पालिकेचा कचरा वाहतूक करणारा ट्रक मुलुंड डम्पिंग ग्राउंडकडे वेगात जात असताना, या ट्रकाचा बुधवारी दुपारी अडीच वाजताच्या दरम्यान उपघात झाला आहे. या उपघातात ट्रकने दुचाकीला पाठीमागून धडक दिल्याने दुचाकीवरील महिलेचा जागीच मृत्यू झाला, तर एक जण गंभीर जखमी झाला आहे.
मुलुंड येथील रहिवासी विठ्ठल नारायण हिंगणे (वय, 41) आणि त्याच्या पत्नी संध्या यशवंत बांगर (वय, 43) दुचाकीलावरुन मुलुंडच्या दिशेला जात होते. यावेळी या दुचाकीला पालिकेच्या कचरा वाहून नेणाऱ्या ट्रकने ( एमएच 02 इआर 5582) पाठीमागून जोरदार धडक दिली. या धडकेमुळे दुचाकीलावरील दोघेजण रस्त्याच्या कडेला पडले. दरम्यान. ही घटना समजताच विक्रोळी पोलीस ठाण्याच्या कर्मचार्यांनी दोघांनाही जवळील फोर्टिस रुग्णालयामध्ये दाखल केले. यावेळी संध्या यशवंत बांगर यांना डॉक्टरांनी मृत घोषीत केले असून विठ्ठल नारायण हिंगणे यांच्यावर उपचार सुरू आहेत.
पोलिसांनी कचरा वाहतूक करणारा ट्रक ताब्यात घेतला असून चालकाला अटक अटक केली आहे. यावेळी चालक शहाबुद्दीन कमरुद्दीनखान (वय, 45) याने मद्यपान केल्याचे प्राथमिक तपासात आढळून आले. अशी माहिती सहायक पोलीस आयुक्त ईश्वर तायडे यांनी दिली. दरम्यान, विक्रोळी पोलीस पुढील तपास करीत आहेत.
