IAS Officer Transfers : राज्यातील 20 आयएएस अधिकाऱ्यांच्या बदल्या

IAS Officer Transfer: राज्यातील 20 आयएएस अधिकाऱ्यांच्या बदल्या करण्यात आल्या आहेत. नाशिक महापालिकेचे आयुक्त डॉ.चंद्रकांत पुलकुंडवार, तुकाराम मुंडे यांचीही बदली करण्यात आली आहे.

: राज्यात पुन्हा एकदा सनदी अधिकाऱ्यांच्या बदल्या करण्यात आल्या आहेत. 20 IAS अधिकाऱ्यांच्या बदल्यांचे आदेश आज जारी करण्यात आले आहेत. नाशिक महापालिकेचे आयुक्त डॉ.चंद्रकांत पुलकुंडवार यांची बदली झाली आहे. त्यांच्याकडे आता साखर आयुक्त म्हणून नवीन जबाबदारी देण्यात आली आहे. संजीव जयस्वाल यांची म्हाडाचे उपाध्यक्ष आणि मुख्य कार्यकारी अधिकारी म्हणून बदली करण्यात आली आहे. मात्र, पाणीपुरवठा, स्वच्छता विभागाच्या प्रधान सचिवपदाचा कार्यभारही जयस्वाल यांच्याकडेच राहणार आहे. तुकाराम मुंढे यांची पुन्हा एकदा बदली झाली आहे. मराठी भाषा विभाग त्यांच्याकडे सोपवण्यात आला आहे.

• या अधिकाऱ्यांच्या बदल्या करण्यात आल्या आहेत

- सुजाता सौनिक, IAS (1987) ACS (AR&OM), GAD, मंत्रालय, मुंबई यांची अतिरिक्त मुख्य सचिव (गृह), गृह विभाग, मंत्रालय, मुंबई म्हणून नियुक्ती करण्यात आली आहे.

- एमएमआरडीएचे आयुक्त एस. व्ही.आर. श्रीनिवास IAS (1991) यांची धारावी पुनर्वसन प्रकल्पाचे विशेष अधिकारी म्हणून नियुक्ती करण्यात आली आहे.

- लोकेश चंद्र, 1991 च्या बॅचचे आयएएस अधिकारी जे बेस्ट उपक्रमाचे महाव्यवस्थापक होते, यांची महावितरणचे मुख्य व्यवस्थापकीय अधिकारी म्हणून नियुक्ती करण्यात आली आहे.

- राधिका रस्तोगी 1995 बॅचच्या आयएएस अधिकारी असून त्या नियोजन विभागात तैनात आहेत.

- I.A. कुंदन यांची अल्पसंख्याक विकास विभागात नियुक्ती करण्यात आली आहे.

- संजीव जयस्वाल, IAS (1996) PS, पाणी पुरवठा आणि स्वच्छता विभाग, मंत्रालय यांची म्हाडाचे उपाध्यक्ष आणि सीईओ म्हणून नियुक्ती करण्यात आली आहे.

- आशिष शर्मा, IAS (1997) AMC, BMC, मुंबई यांना PS(2), नागरी विकास विभाग, मंत्रालय, मुंबई म्हणून नियुक्त करण्यात आले आहे.

- महावितरणचे मुख्य व्यवस्थापकीय संचालक विजय सिंघल यांची बेस्ट उपक्रमाच्या महाव्यवस्थापकपदी नियुक्ती करण्यात आली आहे.

- अंशु सिन्हा, IAS (1999) CEO, M.S. खादी ग्रामोद्योग मंडळ, मुंबई यांची सचिव, ओबीसी बहुजन कल्याण विभाग, मंत्रालय, मुंबई म्हणून नियुक्ती करण्यात आली आहे.

- अनुप कृ. यादव, IAS (2002) सचिव, अल्पसंख्याक विभाग. विभाग सचिव, महिला आणि बालकल्याण विभाग, मंत्रालय, मुंबई म्हणून नियुक्ती करण्यात आली आहे.

- तुकाराम मुंढे, IAS (2005) यांची मराठी भाषा विभाग, मंत्रालय, मुंबई सचिव म्हणून नियुक्ती करण्यात आली आहे.

- डॉ अमित सैनी, IAS (2007) CEO, MMB, मुंबई यांची मिशन डायरेक्टर, जल जीवन मिशन, मुंबई म्हणून नियुक्ती करण्यात आली आहे.

- चंद्रकांत पुलकुंडवार, IAS (2008) आयुक्त, नाशिक महापालिका यांची साखर आयुक्त, पुणे म्हणून नियुक्ती करण्यात आली आहे.

- डॉ. माणिक गुरसाल, IAS (2009), अतिरिक्त विकास आयुक्त (उद्योग) यांची मेरीटाइम बोर्डाचे CEO म्हणून नियुक्ती करण्यात आली आहे.

- कादंबरी बलकवडे, IAS (2010) आयुक्त, कोल्हापूर महापालिका यांची DG, MEDA, पुणे म्हणून नियुक्ती करण्यात आली आहे.

- प्रदीपकुमार डांगे, IAS (2011) Jt.Secy.-c-मिशन संचालक, SBM (ग्रामीण), पाणी पुरवठा आणि स्वच्छता विभाग. मंत्रालय, मुंबई यांना संचालक, रेशीम, नागपूर या पदावर नियुक्त केले आहे.

- शंतनू गोयल, IAS (2012) आयुक्त, MGNREGS, नागपूर यांची सिडको, नवी मुंबई येथे व्यवस्थापकीय संचालक म्हणून नियुक्ती करण्यात आली आहे.

- पृथ्वीराज बीपी, IAS (2014) जिल्हाधिकारी, लातूर यांची संचालक, माहिती तंत्रज्ञान, मुंबई म्हणून नियुक्ती करण्यात आली आहे.

- डॉ हेमंत वासेकर, IAS (2015) CEO, NRLM, मुंबई यांची आयुक्त, पशुसंवर्धन, पुणे म्हणून नियुक्ती करण्यात आली आहे.

- डॉ. सुधाकर शिंदे, IRS (1997) यांची मुंबई महापालिकेत अतिरिक्त महापालिका आयुक्त म्हणून नियुक्ती करण्यात आली आहे.