मुंबई - तब्बल पाच महिन्यानंतर आजपासून (20 ऑगस्ट) महाराष्ट्राची लालपरी रस्त्यावर प्रवाशांच्या सेवेसाठी धावत आहे. राज्य परिवहन विभागाच्या वतीने एसटी बसच्या आंतरजिल्हा वाहतुकीला परवानगी देण्यात आली आहे. आज सकाळी मुंबईतील कुर्ला नेहरूनगर स्थानकातून अहमदनगरला जाणारी बस पहिली बस रवाना झाली.
बोलताना विभाग नियंत्रक व आमदार
यावेळी स्थानिक आमदार मंगेश कुडाळकर आणि एसटीच्या अधिकाऱ्यांनी या बसचे पूजन केले. त्यानंतर ही बस रवाना करण्यात आली. तसेच यावेळी बसचे वाहक, चालक व प्रवाशांचा पुष्प देऊन स्वागत करण्यात आला. एसटी बसने एका जिल्ह्यातून दुसऱ्या जिल्ह्यासाठी प्रवास करायचा असेल तर कोणत्याही प्रकारच्या पूर्वपरवानगी किंवा पासची गरज नाही.