ऑफलाईन पुस्तक खरेदीसाठी ग्राहकांचा वाढता कल

ऑनलाइन पद्धतीने 8 ते 10 इयत्तेच्या वर्गाच्या शाळा सुरू झाल्या आहेत. प्राथमिक, माध्यमिक व महाविद्यालयीन विद्यार्थ्यांनी लॉकडाऊनमध्येही घरी अभ्यास सुरू केलाय. जसेजसे मिशन बिगेन अंतर्गत काही प्रमाणात शिथिलता देण्यात आली आहे, तसतशी दुकाने सुरू झाली. त्यामुळे पालकांनी आपल्या मुलांसाठी दुकानात जाऊन पाठ्यपुस्तक अभ्यासक्रमाच्या पुस्तकाच्या खरेदीला पसंती दिलीय.

मुंबई - कोरोनाच्या पार्श्वभूमीवर लागू झालेल्या लॉकडाऊनमुळे ग्राहकांनी अनेक वस्तूंची खरेदी ऑनलाइन करायला पसंती दिली. मात्र, याला पुस्तक अपवाद ठरली आहेत. मुंबईतील नावाजलेल्या पुस्तक विक्रीच्या दुकानात आजही ग्राहक स्वतः जाऊन पुस्तक खरेदीला पसंती देत आहेत.

ऑनलाइन पद्धतीने 8 ते 10 इयत्तेच्या वर्गाच्या शाळा सुरू झाल्या आहेत. प्राथमिक, माध्यमिक व महाविद्यालयीन विद्यार्थ्यांनी लॉकडाऊनमध्येही घरी अभ्यास सुरू केलाय. जसेजसे मिशन बिगेन अंतर्गत काही प्रमाणात शिथिलता देण्यात आली आहे, तसतशी दुकाने सुरू झाली. त्यामुळे पालकांनी आपल्या मुलांसाठी दुकानात जाऊन पाठ्यपुस्तक अभ्यासक्रमाच्या पुस्तकाच्या खरेदीला पसंती दिलीय. याबाबत दादरमधील प्रसिद्ध आयडियल बुक डेपोचे अनिकेत तेंडुलकर यांच्याकडे विचारणा केली असता, ऑनलाइन पुस्तकांमध्ये 30 ते 40 टक्के प्रिंटिंग खराब आढळून झाल्याच्या तक्रारी असतात, तर पावसात पुस्तक भिजलेली हाती येतात. त्यामुळे ऑफलाईन खरेदीसाठी पालक व विद्यार्थ्यांचा कल वाढला असल्याचे ते म्हणाले.

पुस्तकांच्या ऑनलाइन प्रति उपलब्ध असल्या तरी तरी मुले ई कॉपी न घेता थेट पुस्तक खरेदीला प्राधान्य देत आहेत. तसेच पालकांची पुस्तक खरेदीलाच पसंती आहे. महाराष्ट्र शासनाच्या बालभारतीच्या पुस्तकांची छपाई मुंबईतच होते. तसेच बहुतांश पुस्तक व इतर मटेरियल यांची प्रिंटिंग देखील मुंबईत होत असल्याने सहज पुस्तक उपलब्ध होत आहेत. त्यामुळे लॉकडाऊनचा पुस्तक विक्रीवर फारसा परिणाम जाणवला नसल्याचे विक्रेते अनिकेत तेंडुलकर यांनी सांगितले.

महाविद्यालयात संबंधित शिक्षक आम्हाला संबंधित लेखकांचे पुस्तक घ्यायला सांगतात, त्यामुळे ते प्रत्यक्ष जाऊन त्याची पाने वगैरे तपासून घेत असल्याने मी दुकानात जाऊनच पुस्तक खरेदीला पसंती देत असल्याची प्रतिक्रिया यशस्वी पाटील या विद्यार्थिनीने दिली.