मुंबई - बार्ज पी 305 वर 270 कर्मचारी काम करत होते. यातील सुमारे 60 ते 70 जण बेपत्ता असल्याची माहिती बार्जवर काम करणार्‍या कर्मचार्‍यांनी दिली आहे. वादळाची सूचना बार्जच्या कॅप्टन प्रताप यांना मिळाली होती. मात्र, कॅप्टन प्रतापचा निष्काळजीपणा हा अनेक मृत्यूला कारणीभूत ठरला आहे, अशी माहिती बार्जवर काम करणाऱ्या अभिषेक आव्हाड आणि विशाल केदार या दोघांनी दिली.
वादळ येण्यापूर्वी बार्ज पी 305च्या कॅप्टनला सूचना करण्यात आली होती. त्यांना मुंबईच्या दिशेने रवाना होण्यासही सांगण्यात आले होते. मात्र, या सूचनांचे पालन कॅप्टनकडून झाले नाही आणि मोठा अनर्थ झाला. या बार्जवर काम करणारे तब्बल 270 जण मृत्यूच्या दाढेत अडकले होते. यातील अनेकांचा या दुर्घटनेत मृत्यू झाला आहे. उसळणार्‍या लाटा, सोसाट्याच्या वाऱ्याचा मार तब्बल 270 कर्मचारी पाच ते सहा तास सहन करत होते. कशाप्रकारे ते बचाव कार्य चालले, कोण-कोणत्या अडचणींचा सामना येथील कर्मचाऱ्यांना करावा लागला, याबाबत माहिती बार्जवर काम करणाऱ्या व दुर्घटनेतून वाचणाऱ्या दोघांनी 'ईटीव्ही भारत'ला दिली.
हेही वाचा- 'पी-305 बार्ज'मधील 22 कर्मचाऱ्यांचा मृत्यू; जेजे रुग्णालयात आणले मृतदेह