मुंबई:प्रसिद्ध टेनिसपटू लिएंडर पेसने ने महानगर दंडाधिकारी न्यायालयाच्या आदेशाविरोधात मुंबई सत्र न्यायालयात दाखल केलेल्या याचिकेवर 17 डिसेंबरपर्यंत स्थगिती देण्यात आली आहे. याचिकेत महानगर दंडाधिकारी न्यायालयाच्या आदेशावर प्रश्नचिन्ह उपस्थित केले होते. ज्यामध्ये त्याने त्याच्या विभक्त लिव्ह इन पार्टनर मॉडेल रिया पिल्लईला दरमहा 1.50 लाख रुपये द्यावेत असे म्हटले होते.
17 डिसेंबर रोजी सुनावणी मॉडेल रिया पिल्लईच्या वकिलांनी टेनिसपटू लिएंडर पेसने दाखल केलेल्या अपीलला उत्तर देण्यासाठी वेळ मागितल्यानंतर अपील दाखल करण्यात आले आहे. 214 दिवसांचा विलंब माफ करण्याच्या अर्जासह त्यांना अपील आणि अर्जाच्या प्रती गुरुवारी मिळाल्याचे सांगून हे प्रकरण पुढे ढकलण्यात आले आहे. त्यांच्या विनंतीवरून न्यायालयाने पेसचा अर्ज 17 डिसेंबर रोजी सुनावणी होणार आहे.
मासिक देखभाल भरण्याचे निर्देश:मॉडेल रिया पिल्लई यांनी कौटुंबिक हिंसाचार कायद्याअंतर्गत छळ हिंसाचारापासून संरक्षण कायदा 2005 मधील तरतुदींचा वापर करून दाखल केलेल्या तक्रारीवर कारवाई केली आहे. न्यायदंडाधिकारी न्यायालयाने 11 फेब्रुवारी रोजी पेसला घरभाड्यासाठी 1 लाख आणि 50000 मासिक देखभाल भरण्याचे निर्देश दिले होते. मॉडेल रिया पिल्लई खटल्याच्या खर्चापोटी 1 लाखाची अतिरिक्त रक्कमही देण्याचे निर्देश देण्यात आले होते.
पोटगी देण्याचे निर्देश दिले:टेनिसपटू लिएंडर पेसने मॉडेल रिया पिल्लेचा कौटुंबिक हिंसाचार कायद्याअंतर्गत छळ केला असल्याचा ठपका ठेवत वांद्रे येतील महानगर दंडाधिकारी न्यायालयाने रियाला दरमहा 1.50 लाख रुपये पोटगी देण्याचे निर्देश दिले आहे. टेनिसपटू लिएंडर पेसला आज दिले आहे. रियाच्या पहिल्या लग्नाच्या सद्यस्थितीबाबत मला माहिती नव्हती, असा दावा पेसच्या वतीने करण्यात आला. मात्र त्याचे खंडन रियाकडून करण्यात आले आहे. अभिनेता संजय दत्तसोबत रियाचा पहिला विवाह झाला होता. पुढे त्यांनी घटस्फोटाचा दावा दाखल केला. पेसने मुलीचा ताबा मिळावा म्हणून वांद्रे न्यायालयात दावा दाखल केला आहे. त्यांना एक मुलगी असून दोघींसाठी एक लाख रुपये महिन्याला पोटगी देण्याचे निर्देश न्यायालयाने दिले आहे.
लिएंडरने रियाचा छळ केल्याचे निरीक्षण: मॉडेल रिया पिल्लेने 2014 मध्ये लिएंडर पेसविरोधात कौटुंबिक हिंसाचार कायद्याअंतर्गत गुन्हा दाखल केला होता. त्यावेळी ते 8 वर्षे लिव्ह इन रिलेशनशिपमध्ये होते. मात्र त्यादरम्यान पेसने अनेक वेळा शाब्दिक, शारीरिक, मानसिक, आर्थिक छळ केला आणि प्रचंड त्रास दिल्याची तक्रार रियाने केली होती. रियाने केलेल्या तक्रारीमध्ये तथ्य असून लिएंडरने रियाचा छळ केल्याचे निरीक्षण न्यायालयाने नोंदवले आहे.
न्यायालयाने स्पष्ट केले: महानगर दंडाधिकारी कोमलसिंह राजपूत यांनी काही दिवसांपूर्वी रियाच्या तक्रारीवर निकाल दिला. नुकतेच संबंधित निकालपत्र उपलब्ध झाले आहे. न्यायालयाने दिलेल्या आदेशानुसार पेसने रियाला घरभाडे म्हणून पन्नास हजार रुपये द्यावेत. रियाने पेसच्या घरात एकत्र राहण्याचा निर्णय घेतल्यास ही रक्कम तिला मिळणार नाही, असेही न्यायालयाने स्पष्ट केले आहे.
