मुंबई- राज्यातील विनाअनुदानित शाळांना अनुदान देण्यासाठी अर्थ विभागाने तरतूद केली. त्यासाठी नेमलेल्या उपसमितीच्या बैठकीनंतर ८ दिवसांत कॅबिनेटची बैठक घेऊन अनुदानाचा प्रश्न मार्गी लावू, येत्या विधानसभा निवडणुकीच्या आचारसंहितेपूर्वी शिक्षकांचे वेतन सुरू होईल, या राज्याच्या शालेय शिक्षण मंत्र्यांच्या आश्वासनपूर्तीसाठी मंत्रालयात कोणतीही सकारात्मक हालचाल दिसून येत नसल्याने पुन्हा अनुदानाची आशा मावळलेल्या शिक्षकांनी मुंबईत आझाद मैदानावर गेल्या चार दिवसांपासून अर्धनग्न आंदोलन केले आहे. ते आंदोलन सोमवारी तीव्र झाले आहे.
राज्यातील शिक्षक आक्रमक; मागण्या मान्य करा; अन्यथा मंत्रालयासमोर आत्महत्या करण्याचा इशारा