मुंबई - गेल्या 5 वर्षांत सीएनजीच्या दरात वाढ झाली आहे, पण टॅक्सीच्या भाड्यामध्ये वाढ झाली नाही. म्हणून येत्या 15 दिवसांत टॅक्सी भाडेवाढीबाबत निर्णय न झाल्यास संप पुकारण्यात येईल, असा इशारा टॅक्सीमन युनियनचे सरचिटणीस ए.एल. क्वाड्रोस यांनी दिला आहे. दीड किलोमीटरसाठी किमान 30 रुपये भाडेवाढ करण्यात यावी, अशा मागणीचे निवेदन परिवहनमंत्री दिवाकर रावते यांच्याकडे करण्यात आले आहे.
टॅक्सीमन युनियनचे सरचिटणीस ए.एल. क्वाड्रोस संपाचा इशारा देताना
3 एप्रिल 2019 रोजी 1 रुपया 96 पैशांनी सीएनजीत वाढ झाली आहे. त्यासोबत पाचवेळा सीएनजीची भाडेवाढ झाली. गाडीची देखभाल, इन्शुरन्स यामध्येही वाढ झाली. दिवसेंदिवस टॅक्सी चालकांच्या याचा खिशाला फटका बसत आहे. 2013 मध्ये किमान टॅक्सी भाडे 21 ते 22 रूपये होते. पण 2013 पासून आजपर्यंत एकही रूपयांची भाडेवाढ झाली नाही.