सुशांतसिंह प्रकरण : महाराष्ट्राच्या सरकारला ड्रग्ज माफियांना व बड्या नेत्यांना वाचवायचं होतं का?; राम कदमांचा सवाल

आमदार राम कदम म्हणाले की, सुशांतसिंह प्रकरणात आता ड्रग्स आणि ड्रग्स माफिया यांचा विषय उघडकीस आला आहे. प्रश्न आता हा उपस्थित होत आहे की दोन महिन्यापासून हे प्रकरण महाराष्ट्र सरकारकडे आहे. मग तेव्हा या गोष्टी बाहेर का आल्या नाहीत. महाराष्ट्राच्या सरकारला त्या ड्रग्ज माफियांना वाचवायचं होतं का? सीबीआयला देखील तपास देण्यास ते तयार नव्हते. जे संशयित आहेत त्यांची देखील ते चौकशी करण्यास तयार नव्हते.

मुंबई -अभिनेता सुशांतसिंह राजपूत मृत्यू प्रकरणाची सीबीआयने चौकशी सुरू केल्यापासून या प्रकरणात नवनवीन मुद्दे समोर येत आहेत. सुशांतसिंह प्रकरणात रिया चक्रवर्तीच्या चौकशीत ती ड्रग्स डिलरचा संपर्कात होती, असे समोर आले आहे. यावर भाजपाचे राष्ट्रीय नेते सुब्रमण्यम स्वामी यांनी धक्कादायक दावा केला आहे. त्यात आज भाजपा आमदार राम कदम यांनी देखील महाराष्ट्र सरकारवर निशाणा साधला आहे.

आमदार राम कदम म्हणाले की, सुशांतसिंह प्रकरणात आता ड्रग्स आणि ड्रग्स माफिया यांचा विषय उघडकीस आला आहे. प्रश्न आता हा उपस्थित होत आहे की दोन महिन्यापासून हे प्रकरण महाराष्ट्र सरकारकडे आहे. मग तेव्हा या गोष्टी बाहेर का आल्या नाहीत. महाराष्ट्राच्या सरकारला त्या ड्रग्ज माफियांना वाचवायचं होतं का? सीबीआयला देखील तपास देण्यास ते तयार नव्हते. जे संशयित आहेत त्यांची देखील ते चौकशी करण्यास तयार नव्हते.

फिल्म वा उद्योग जगतातील लोकांना मोकळेपणाने ड्रग विकलं जात आहे. कोण लोक ड्रग्स घेत आहेत, कोण लोकं विकत आहेत जर हे सर्व होत आहे. तर महाराष्ट्रात सरकार काय करत आहे असे अनेक प्रश्न उपस्थित होत आहेत. त्यामुळे महाराष्ट्र सरकारची भूमिका संशयास्पद आहे. हे देशातील व विदेशातील सुशांतसिंहच्या चाहत्यांना कळून चुकली आहे. महाराष्ट्रातील सरकारला बड्या नेत्यांना वाचवायचा आहे की मोठ्या माफियांना याचे उत्तर सरकारला द्यावे लागेल, असे कदम म्हणाले. दरम्यान, काही तासांपूर्वीच भारतीय जनता पक्षाचे ज्येष्ठ नेते सुब्रमण्यन स्वामी यांनी देखील खळबळजनक दावा केला आहे. अभिनेता सुशांतसिंह राजपूत याच्यावर विषप्रयोग केला गेल्यामुळे त्याचे शवविच्छेदन उशिरा करण्यात आले. जेणेकरून हे विष ठराविक काळानंतर पोटात विरघळून जाईल हा यामागील उद्देश असून, याला जबाबदार असणाऱ्या लोकांवर कारवाई करण्याची हीच वेळ आहे, असे सुब्रमण्यन स्वामी यांनी म्हटलं आहे. हेही वाचा -5 हजार खाटांचे संसर्गजन्य रोगांचे रुग्णालय भांडुप की मुलुंडमध्ये? लवकरच होणार निर्णय

हेही वाचा -'लालबागचा राजा आरोग्य उत्सव', 150 दात्यांकडून प्लाझ्मा दान