मुंबई -राज्याचे उपमुख्यमंत्री आणि अर्थमंत्री अजित पवार यांनी अर्थसंकल्प मांडला आहे. हा महाविकास आघाडीचा पहिला अर्थसंकल्प असून या अर्थसंकल्पात महिलासुरक्षेसाठी खास तरतुदी करण्यात आल्या आहेत.
महिलांच्या सुरक्षेसाठी सरकार कटीबद्ध
महिलांच्या सुरक्षेसाठी आणि त्यांच्यासाठी रोजगार निर्मिती करण्यास सरकार कटीबद्ध असून त्याकरता एक हजार कोटींची तरतूद करण्यात आली आहे. राज्यातील महिलांच्या सुरक्षेसाठी विभागीय स्तरावर महिला आयोगाचे कार्यालय उभारण्यात येणार आहे, अशी माहिती अर्थमंत्री अजित पवार यांनी दिली.