मुंबई- राज्याच्या विधीमंडळाचे बुधवारी एकदिवसीय अधिवेशन घेण्यात आले होते. केवळ 20 मिनिटांच्या या अधिवेशनात एससी, एसटी आरक्षणाबाबत मोठा निर्णय घेण्यात आला. संसदेत एससी-एसटी आरक्षण मुदतवाढीचे विधेयक आधीच संमत झाले होते. त्यानंतर आता विधिमंडळातील या अधिवेशनात आरक्षण मुदत वाढीच्या विधेयकाच्या पाठिंब्याचा ठराव करण्यात आला.
विधिमंडळाचे विशेष एकदिवसीय अधिवेशन
केंद्र सरकारने लोकसभा आणि विधानसभेतील अनुसूचित जाती व जमातीसाठी केलेले घटना दुरुस्ती विधेयक संमत केले आहे. संविधानातील अनुसूचित जाती जमाती संदर्भात राखीव जागांचे समर्थन करण्यासाठी राज्य विधिमंडळाचे विशेष अधिवेशन आयोजित करण्यात आले होते.