Somaiya's New Tweet : सोमय्या म्हणतात तो एफआयआर माझा नाहीच

अटकेत असलेल्या राणा दाम्पत्याच्या (Rana couple) भेटीसाठी पोलीस ठाण्यात गेलेले भाजप नेते किरीट सोमैय्यांवर (BJP leader Kirit Somaiya) हल्ला झाला. या प्रकरणी पोलीसांनी चार शिवसैनिकांना अटक केली. मात्र हा एफआयआर माझा नाहीच (the FIR is not mine) असा दावा करणारे ट्विट सोमैय्या (Somaiya's New Tweet) यांनी केले आहे. त्यांच्या या ट्विट मुळे खळबळ उडाली आहे. त्यामुळे तक्रार नेमकी नोंदवली कोणी? असा प्रश्न उपस्थित होत आहे.

मुंबई:राणा दाम्पत्याला अटक केल्यानंतर खार पोलीस ठाण्यात गेलेल्या सोमय्यांवर शिवसैनिकांनी बाटल्या आणि चपला फेकल्या. दरम्यान, गाडीची काच फुटून सोमय्या जखमी झाले. याप्रकरणी सोमय्यांनी वांद्रे पोलीस ठाण्यात धाव घेत, शिवसैनिकांच्या अटकेची मागणी केली. माजी आमदार विश्वनाथ म्हाडेश्वर, दिनेश कुबल आदी दोन शिवसैनिकांना अटक करून जामिनावर सुटका झाली. या प्रकरणात आता नवा ट्विस्ट निर्माण झाला आहे.

सोमय्यांनी ट्विट करत, आपण कोणतीही तक्रार केलेली नाही. २३ एप्रिलला झालेला एफआयआर माझा नाही, असे सांगत मंगळवारी यासंदर्भात तक्रार करणार असल्याचे म्हटले आहे. त्यामुळे दाखल केलेला एफआयआर नेमका कोणी केला.? एफआयआरच दाखल केला नव्हता तर शिवसैनिकांना अटक कशी झाली? असे उलट सुलट प्रश्न उपस्थित केले जात आहेत.




राज्यात हनुमान चालीसाचा वाद रंगला आहे. खासदार नवनीत राणा आणि आमदार रवी राणा यांनी शिवसेनेचे श्रध्दास्थान असलेल्या मातोश्रीवर चालीसा पठणाचा हट्ट धरला. वारंवार सोशल माध्यमातून तसे आव्हान केले. शिवसैनिकांच्या संतप्त प्रतिक्रिया उमटल्या. अखेर, रात्री उशिरा खार पोलिसांनी राणा दाम्पत्याला अटक केली. दोघांनाही न्यायालयाने १४ दिवसांची पोलीस कोठडी सुनावली. पोलिसांनी लावलेले कलम रद्द करावे, अशी मागणी करत राणा दाम्पत्याने मुंबई उच्च न्यायालयात धाव घेतली. मात्र न्यायालयाने राणा दाम्पत्याला कान पिचक्या देत, कोठडी कायम ठेवली आहे.