मुंबई :कोरोनानंतर आर्थिक गाडा पूर्वपदावर आल्याने चालू आर्थिक वर्षांमध्ये ( Significant Increase in Liquor Sales in State ) मद्याच्या विक्रीतही लक्षणीय वाढ झाली आहे. मद्यपींच्या मद्य सेवनामुळे राज्याच्या तिजोरीत भरघोस महसूल जमा झाला ( Economy has Returned to its Former Position ) आहे. कोरोनामध्ये राज्याचा महसूल पूर्णतः थांबला ( This Year A Substantial Increase in Revenue ) होता. परंतु, यंदा २ एप्रिल ते २५ डिसेंबर २०२२ या कालावधीत मद्यविक्रीतून मिळणाऱ्या महसुलात जवळपास ३० टक्क्यांनी वाढ झाली आहे. चालू आर्थिक वर्षात पहिल्या ९ महिन्यांत राज्याच्या तिजोरीत सुमारे १४,४८० कोटी रुपयांचा महसूल जमा झाला आहे. राज्य उत्पादन शुल्क विभागाकडून मिळालेल्या आकडेवारीतून हे स्पष्ट झाले आहे. राज्यासाठी ही मोठी बाब आहे.
देशी-विदेशी मद्यविक्रीत वाढकोरोनाकाळात सर्वच ठप्प झाले असताना राज्यातील मद्यविक्रीसुद्धा थंडावली होती. मात्र, आता सर्व व्यवहार सुरळीत झाल्यामुळे मद्यविक्रीही जोमात असल्याचे चित्र आहे. गेल्या वर्षी एप्रिल ते नोव्हेंबर या कालावधीत ३४.५ कोटी लिटर देशी मद्याची विक्री झाली होती. २०२१-२२ या आर्थिक वर्षाचा याच काळात राज्यात २५ कोटी लिटर देशी मद्य विकले गेले होते. तर एप्रिल ते नोव्हेंबर २०२२ या कालावधीत विदेशी मद्याची २३.५ कोटी लिटर विक्री झाली होती. २०२१-२२ या आर्थिक वर्षाच्या याच काळात १७.५ कोटी लिटर विदेशी मद्य विकले गेले आहे.