मुंबई -छत्रपती शिवाजी महाराज यांची पंतप्रधान नरेंद्र मोदी यांच्याशी तुलना करणारे पुस्तक भाजपने प्रकाशीत केले आहे. यावरुन भाजपवर जोरदार टीका होताना दिसत आहे. शिवसेनेचे खासदार संजय राऊत यांनीही या प्रकारावरुन भाजपला लक्ष्य केले आहे. एक सुर्य...एक चंद्र आणि एकच छत्रपती शिवाजी महाराज...असे म्हणत राऊत यांनी या प्रकरणावर छत्रपती शिवाजी महाराजांच्या वंशजांनी बोलावे असे म्हटले आहे.
छत्रपती शिवाजी महाराज यांची तुलना या विश्वात कुणाशीच होऊ शकत नसल्याचे राऊत यांनी म्हटले आहे. हा प्रकार सातारा गादीचे वारसदार श्रीमंत उदयनराजे, श्रीमंत शिवेंद्रराजे, कोल्हापूरचे छत्रपती संभाजीराजे यांना मान्य आहे का? असा सवालही संजय राऊत यांनी केला आहे.