मुंबई- लोकसभा निवडणुकीसाठी शिवसेनेकडून पहिली उमेदवार यादी जाहीर करण्यात आली आहे.राज्यातील ४८ लोकसभा मतदार संघापैकी भाजप२५ तर शिवसेना२३ जागा लढवणार आहे. यापैकी शिवसेनेने २१ उमेदवारांची यादी जाहीर केली आहे.पालघर आणि सातारा या दोन मतदारसंघातील उमेदवारांच्या नावाची घोषणा अद्याप केली नसून २४ तारखेला याबाबतचा निर्णय होणार आहे, अशी माहिती शिवसेनेकडून देण्यात आली.
शिवसेना पत्रकार परिषद
शिवसेनेने आज मुंबईत पत्रकार परिषद घेऊन या उमेदवारांची यादी जाहीर केली आहे. रविवार २४ ला कोल्हापुरात भाजप-शिवसेना यांच्यात संयुक्त मेळावा आयोजित करण्यात आला आहे. या मेळाव्यात पालघर आणि सातारा या जागेवर लढणाऱ्या उमेदवारांचे नावे जाहीर होण्याची शक्यता आहे.