मुंबई:डॉ. मेधा किरीट सोमय्या यांनी दाखल केलेल्या तक्रारीवरून मुंबई महानगर दंडाधिकारीनी संजय राऊत यांच्याविरुद्ध वॉरंट जारी केले होते. राऊत यांनी न्यायालयासमोर हजर राहत जारी करण्यात आलेला वॉरंट पाच हजाराचा दंड भरून रद्द करुन घेतला आहे. राऊत यांना न्यायालयाने समन्स बजावताना असे निरीक्षण नोंदवले होते की, शिवसेना नेते संजय राऊत यांनी प्रथमदर्शनी भाजप नेते किरीट सोमय्या यांच्या पत्नी मेधा सोमय्या यांच्या विरोधात बदनामीकारक विधाने केली आहेत.मेधा यांचे वकील विवेकानंद गुप्ता म्हणाले या प्रकरणात राऊत यांचे वकीलही प्रतिनिधित्व करत नव्हते. न्यायालयाने पाच हजार रुपयांचे जामीनपात्र वॉरंट जारी केले असून या प्रकरणाची सुनावणी येत्या 18 जुलैपर्यंत तहकूब करण्यात आली आहे.
तक्रारदाराच्या प्रतिष्ठेला हानी : गेल्या महिन्यात समन्स जारी करताना दंडाधिकारी मोकाशी यांनी असे म्हटले होते की, राऊत यांनी बोललेले शब्द असे आहेत ज्यामुळे तक्रारदाराच्या प्रतिष्ठेला हानी पोहोचली आहे हे तक्रारदाराने प्रथम दृष्टया सिद्ध केले आहे. रेकॉर्डवर तयार केलेले कागदपत्रे आणि व्हिडिओ क्लिपमध्ये प्रथमदर्शनी असे दिसून आले आहे की राऊत यांनी तक्रारदाराविरुद्ध 15 आणि 16 एप्रिल 2022 रोजी बदनामीकारक विधाने केली आहेत जेणेकरून ते मोठ्या प्रमाणावर लोकांना दिसेल आणि लोक वर्तमानपत्रात वाचतील असे नमूद केले आहे.
अपमानास्पद आणि बदनामीकारक विधाने: मेधा यांनी आपल्या तक्रारीत राऊत हे सामना या मराठी वृत्तपत्राचे कार्यकारी संपादक असून शिवसेनेच्या राजकीय पक्षाच्या मुख्य प्रवक्ते आहेत. 15 एप्रिल रोजी आणि त्यानंतर त्यांनी तक्रारदाराच्या विरोधात दुर्भावनापूर्ण आणि अनुचित विधाने केली आणि ती छापली गेली प्रकाशित केली गेली आणि मोठ्या प्रमाणात इलेक्ट्रॉनिक आणि प्रिंट मीडियाद्वारे सामान्य लोकांमध्ये प्रसारित केली गेली. मेधा यांनी आरोप केला की राऊत यांनी केलेली ही विधाने अपमानास्पद आणि बदनामीकारक आहेत. हे सर्व सामान्य लोकांच्या नजरेत आणि कुटुंबातील सदस्य आणि मित्रांमध्ये प्रतिमा खराब करण्यासाठी केले गेले आहेत.