मुंबई- अजित पवारांचा निर्णय पक्षविरोधी, शिस्तभंगाचा आहे. त्यांच्यासोबत जे गेले त्यांच्यावर कारवाई होणार, असे राष्ट्रवादीचे अध्यक्ष शरद पवार यांनी सांगितले. वाय. बी. सेंटरमधील पत्रकार परिषदेत ते बोलत होते.
पाहा व्हिडियो -राष्ट्रवादी काँग्रेसचे अध्यक्ष शरद पवार यांची पूर्ण पत्रकार परिषद
जे सदस्य त्यांच्यासोबत गेले, त्यांना या परिस्थितीची पूर्ण माहिती असावी असे वाटते. जे जाणार असतील त्यांना माहीत असायला हवे, की पक्षांतर बंदी कायदा आहे. त्यानुसार सदस्यत्व रद्द होते. त्यांच्या मतदारसंघातले मतदार त्यांना कधीही पाठिंबा देणार नाहीत. यावेळी राजेंद्र शिंगणे, संदीप क्षीरसागर यांनीही प्रतिक्रिया दिली. रात्री अजितदादांचा फोन आला. महत्त्वाच्या विषयांवर चर्चा करणार असल्याचे त्यांनी सांगितले. काही निर्णय घेण्याच्या आतच सर्व घडामोडी झाल्या. सर्व गोष्टींमुळे अस्वस्थ आहोत. आम्ही शरद पवार यांच्यासोबत आहोत, असे शिंगणे म्हणाले.
पवार पुढे म्हणाले, अशाप्रसंगातून मी अनेक वेळा गेलो आहे. काँग्रेसच्या विधीमंडळ नेतेपदाच्या निवडीसंबंधी त्यांची पत्रकार परिषद असल्याने त्यांचे नेते हजर नसल्याचे ते म्हणाले.
राष्ट्रवादी काँग्रेसचा प्रामाणिक कार्यकर्ता हा भाजपबरोबर जाणार नाही याचा मला विश्वास आहे. भाजपला बहुमत स्पष्ट करता येणार नाही, शिवसेना, काँग्रेस, राष्ट्रवादीचे सरकार स्थापन होईल, असे शरद पवार म्हणाले.