मुंबई - भाजपने विविध मुद्यांच्या आधारे समाजामध्ये तेढ निर्माण करण्याचा प्रयत्न केल्यानेच त्यांना झारखंडच्या जनतेने नाकारले असल्याची प्रतिक्रिया राष्ट्रवादी काँग्रेसचे अध्यक्ष शरद पवार यांनी दिली. महाराष्ट्राच्या निकालापासून झारखंडला नवीन रस्ता मिळाल्याचे ते म्हणाले. भाजपने देशाची अर्थव्यवस्था संकटात आणली आहे. दिवसेंदिवस मंदी वाढत असून सामान्य नागरिकांना त्याचा फटका बसत असल्याचे पवार म्हणाले. तसेच झारखंडच्या जनतेने भाजपला नाकारल्याबद्दल पवार यांनी अभिनंदन केले.
भाजपने समाजाच्या विविध घटकांमध्ये दुरावा निर्माण करण्याचा प्रयत्न केला आहे. झारखंडमध्ये भाजपने आपली संपूर्ण ताकद लावली होती मात्र, तिथल्या जनतेने त्यांना नाकारले. भाजपविषयी जनतेच्या मनात प्रचंड नाराजी असून, झारखंडसारखी परिस्थिती सगळीकडे पाहायला मिळेल, असेही शरद पवार यावेळी म्हणाले.
राष्ट्रवादी काँग्रेसचे अध्यक्ष शरद पवार