मुंबई : सीसीटीव्हीमध्ये ही महिला आपल्या मुलीसह शाळेत कशी जात आहे, हे दिसत आहे. यामध्ये मागून येणाऱ्या डंपरने महिला व मुलीला धडक दिली. त्यानंतर डंपरने पाठीमागून मुलीच्या अंगावर धडक दिली. त्यामुळे मुलीचा मृत्यू झाला. आरोपीला अटक करण्यात आली असून पुढील तपास दहिसर पोलीस करत आहेत.
मुलीचा जागीच मृत्यू झाला :दहिसर येथे शाळेत जाणाऱ्या मुलीला डंपरने चिरडले. यात मुलीचा जागीच मृत्यू झाला. यावेळी उपस्थित लोकांनी डंपर चालकाला पकडून पोलिसांच्या ताब्यात दिले. या घटनेचे सीसीटीव्ही फुटेज समोर आले आहे. पोलिसांनी दिलेल्या माहितीनुसार, दहिसर पूर्वेकडील एसएन दुबे रोडवरील सागर ज्वेलर्सजवळ विद्या बनसोडे (8 वर्षे) आणि तिच्या आईला डंपरने धडक दिली. घटनेनंतर मुलीची आई उठली आणि डंपरचा चालक मुकेश बाबुराव ढमाले याला मुलीला बाहेर काढता यावे म्हणून गाडी मागे घेण्यास सांगितले, मात्र त्याने पुढे ढकलले. यामुळे चाक मुलीच्या अंगावर चढले. दहिसर पोलिसांनी घटनास्थळ गाठून डंपर ताब्यात घेतला. ही घटना दुपारी 12.35 च्या सुमारास घडल्याचे पोलिसांनी सांगितले. हा परिसर अतिशय अरुंद आहे. गर्दीमुळे लोकांना रांगेत चालावे लागत आहे. भावाला शाळेत सोडल्यानंतर विद्या आई रेखासोबत घरी परतत होती.