मुंबई :उद्धव ठाकरे गटाला शिवसेना पक्षाची जंगम किंवा जंगम मालमत्ता काढून घेण्यापासून रोखण्याचे निर्देश देणारी याचिका सर्वोच्च न्यायालयाने फेटाळून लावली. मुंबईतील वकील आशिष गिरी यांनी ठाकरे गटाला पक्ष निधी हस्तांतरित करण्यापासून रोखण्यासाठी निर्देश देण्याची याचिका दाखल केली होती. शिवसेनेच्या ठाकरे गटाकडे असलेली शिवसेनेची सर्व मालमत्ता आणि शिवसेनेचा पक्ष निधी शिंदे गटाकडे सुपूर्द करण्यात यावा, यासाठी अ‍ॅडव्होकेट आशिष गिरी यांनी सर्वोच्च न्यायालयात याचिका दाखल केली होती. ही याचिका राज्यात चर्चेचा विषय बनली होती.
Shiv Sena party Fund: शिवसेनेची संपत्ती ठाकरे गटाकडे की शिंदे गटाकडे? सर्वोच्च न्यायालयाने वकिलाच्या याचिकेवर 'हे' दिले निर्देश
शिवसेनेची सर्व मालमत्ता आणि शिवसेनेचा पक्ष निधी शिंदे गटाकडे सुपूर्द करण्यात यावा, साठी अ‍ॅडव्होकेट आशिष गिरी यांनी सर्वोच्च न्यायालयात याचिका दाखल केली होती. ही याचिका सर्वोच्च न्यायालयाने फेटाळली आहे.
शिवसेना पक्ष निधी
याचिकेशी आपला काहीही संबंध नाही :शिंदे गटाने या संदर्भात मात्र या याचिकेशी आपला काहीही संबंध नसल्याचे म्हटले होते. शिवसेनेच्या शिंदे गटाचे प्रवक्ते नरेश म्हस्के यांनी या याचिकेशी काहीही संबंध नसल्याचे सांगितले होते. शिवसेनेचा पक्षनिधी अथवा त्यांच्याकडे असलेल्या मालमत्तेवर दावा सांगणार नाही, हे त्यांनी स्पष्ट केले होते. त्यांच्या ताब्यात असलेली मालमत्ताही आम्हाला नको, हे आम्ही आधीच स्पष्ट केले आहे. त्यामुळे अशा पद्धतीची जरी याचिका दाखल झाली असली, तरी तिच्याशी आमचा काहीही संबंध नसल्याचे नरेश म्हस्के यांनी स्पष्ट केले होते.