मुंबईत टॅक्सी चालकावर अनैसर्गिक बलात्कार; आरपीएफ कॉन्स्टेबलला अटक

पीडित टॅक्सी ड्रायव्हरने भाडे नाकारले असता आरपीएफ कॉन्स्टेबलने टॅक्सी चालकाला मारहाण करत पी. डिमेलो रोडवर असलेल्या एका अज्ञातस्थळी नेले. त्या ठिकाणी त्यांच्यावर अनैसर्गिक बलात्कार केला. यानंतर आरोपी कॉन्स्टेबलने पीडित टॅक्सी चालकाकडील मोबाईल व रोख रक्कम घेऊन जागेवरून पळ काढला.

मुंबई - टॅक्सी चालकावर अनैसर्गिक बलात्कार केल्याच्या आरोपाखाली आरपीएफच्या एका कॉन्स्टेबलला मुंबई पोलिसांच्या एमआरए मार्ग पोलिसांनी अटक केली आहे. ही घटना ११ जानेवारीला रात्री ११ ते १ च्या दरम्यान घडली. याप्रकरणी पोलिसांनी आरपीएफ कॉन्स्टेबलला अटक केली आहे.

मुंबईतील पी. डिमेलो रोडवर कर्तव्यास हजर असलेल्या आरोपी आरपीएफ कॉन्सटेबलने पी.डिमेलो रोडवर उभ्या असलेल्या टॅक्सी ड्रायव्हरला ग्रँट रोड येथील रेडलाईट परिसरात नेण्यास सांगितले. मात्र, या वेळेस सदर पीडित टॅक्सी ड्रायव्हरने भाडे नाकारले असता, आरपीएफ कॉन्स्टेबलने टॅक्सी चालकाला मारहाण करत पी. डिमेलो रोडवर असलेल्या एका अज्ञातस्थळी नेले व तिथे त्याच्यावर अनैसर्गिक बलात्कार केला. यानंतर आरोपी कॉन्स्टेबलने पीडित टॅक्सी चालाकाकडील मोबाईल व रोख रक्कम घेऊन जागेवरून पळ काढला.

या घटनेची माहिती पोलिसांना मिळताच त्यांनी घटनास्थळी धाव घेऊन पंचनामा केला. पीडिताकडून मिळालेल्या माहितीवरून आरपीएफ कॉन्स्टेबलला अटक करण्यात आलेली आहे. याप्रकरणी माता रमाबाई मार्ग आंबेडकर पोलीस ठाणे अधिक तपास करत आहे. पोलिसांनी ३७७, ३९४, ५०४, ५०६ (२) व इतर कलमान्व्ये गुन्हा दाखल केला आहे.

हेही वाचा-आमचे हात जोडलेले आहेत, ते जोडलेलेच राहुद्या.. 'वाडिया'वरून मनसेचा सरकारला इशारा