मुंबई - मागील पाच वर्षात सरकारच्या चुकीच्या धोरणांमुळे राज्य अधोगतीला गेले होते. त्यामुळे शेतकरी आणि बेरोजगारांची खूप मोठे प्रश्न निर्माण झाले होते. ते सोडवणे हीच आमची प्राथमिकता असून, राज्याच्या विकासावर आम्हाला भर द्यायचा असल्याचे राष्ट्रवादी काँग्रेसचे नवनिर्वाचीत आमदार रोहित पवार यांनी ईटीव्ही भारतशी बोलताना सांगितले.
आमदार रोहित पवारांनी ईटीव्ही भारतशी संवाद साधला
रोहित पवार यांनी आज विधानसभेत आपल्या आमदारकीची शपथ घेतली. त्यानंतर त्यांनी ईटीव्ही भारतशी संवाद साधला. यावेळी ते म्हणाले, की राज्यात आता आमचे सरकार येत असून, त्या माध्यमातून शेतकरी आणि तरुणांच्या प्रश्नाला सर्वात प्राधान्य दिले जाणार आहे. राज्यात शिक्षण आरोग्य आणि बेरोजगारी हे प्रश्न अत्यंत महत्त्वाचे आहेत त्यांच्यावरही आम्हाला लक्ष द्यायचे आहे असेही पवार म्हणाले.