मुंबई -ज्या समाजाला लोकशाहीच्या मंदिरात येण्याची संधी मिळत नाही, त्यांच्यासाठी राजकीय आरक्षण आवश्यक आहे, असे प्रतिपादन मुख्यमंत्री उद्धव ठाकरे यांनी केले. पुढील दहा वर्षांसाठी अनुसुचित जाती-जमातीच्या राजकीय आरक्षणाला केंद्र सरकारने १२६ वी घटनादुरुस्ती करून मुदतवाढ दिली आहे. या विधेयकाला बुधवारी विशेष अधिवेशन घेऊन विधानसभेत मंजुरी देण्यात आली.
समाजातील मागासलेल्या घटकांना मुख्य प्रवाहात येण्याची संधी मिळत नाही. अशा लोकांना या राजकीय आरक्षणाची गरज आहे. त्यांना त्यांचा अधिकार मिळवून देणे गरजेचे आहे. त्यामुळे मी या विधेयकाचे स्वागत करतो, असे मुख्यमंत्री उद्धव ठाकरे म्हणाले. पुढील दहा वर्षात हा समाज सर्वांच्या बरोबरीने आला पाहिजे, अशी अपेक्षाही त्यांनी व्यक्त केली.
हेही वाचा - कामगार संघटनांचा देशव्यापी संप; मुंबईत शाळा, महाविद्यालयांसह वाहतूक सेवा सुरू