दिलासादायक..! आता सोन्याच्या बदल्यात मिळणार अधिक कर्ज; आरबीआयच्या मार्गदर्शकतत्त्वांमध्ये बदल

आता सोन्याच्या बदल्यात अधिक कर्ज घेता येणार आहे. आरबीआय मार्गदर्शकतत्त्वांमध्ये हा महत्त्वपूर्ण निर्णय घेण्यात आला आहे. त्यामुळे आता बँका दागिन्यांच्या बदल्यात अधिक कर्ज देऊ शकतील.

मुंबई - रिझर्व्ह बँक ऑफ इंडियाने (आरबीआय) गुरुवारी सोने कर्जाशी संबंधित मार्गदर्शक सूचनांमध्ये कर्जमाफीची घोषणा केली. आता बँका दागिन्यांच्या बदल्यात अधिक कर्ज देऊ शकतील. केंद्रीय बँकेच्या मुद्रा धोरण समितीच्या (एमपीसी) बैठकीत हा महत्त्वाचा निर्णय घेण्यात आला.

या निर्णयांची माहिती देताना आरबीआय गव्हर्नर शक्तीकांत दास म्हणाले की, सोन्याच्या कर्जाच्या संदर्भात नव्या मार्गदर्शक सूचनांनुसार सोन्याच्या मूल्याच्या 90 टक्के किंमतीपर्यंत कर्ज मिळू शकते. पूर्वीच्या मार्गदर्शक सूचनांनुसार सोन्याच्या किंमतीच्या 75 टक्के किंमतीपर्यंत कर्ज उपलब्ध असू शकते. कोरोना व्हायरस साथीच्या या युगात, सोन्याच्या कर्जे अधिक लोकप्रिय होत आहेत. कारण त्या इतर कोणत्याही कर्जापेक्षा अधिक सुरक्षित मानल्या जातात.

शक्तिकांतदास यांनी गुरुवारी सांगितले की, आरबीआयने चालू आर्थिक वर्षात देशाच्या जीडीपीमध्ये संकुचित होण्याचा अंदाज वर्तविला आहे. कारण कोरोनाचा जगभरातील आर्थिक हालचालींवर परिणाम झाला आहे. यामुळे कर्जाच्या देयकाबाबत सर्व प्रकारची भीती निर्माण झाली आहे.

गोल्ड फायनान्सिंग कंपन्यानी चालू आर्थिक वर्षात आपल्या सोन्याच्या कर्जाच्या व्यवसायात 15-20 टक्क्यांनी वाढ करण्याची अपेक्षा आहे. हे लक्षात घेण्यासारखे आहे की देशात सोन्यावर कर्ज देणाऱ्या फायनान्स कंपन्यांव्यतिरिक्त अनेक सरकारी आणि खासगी बँकांनीही ग्राहकांना आकर्षित करण्यासाठी सोन्याच्या कर्जावर अनेक प्रकारच्या जाहिरात ऑफर दिल्या आहेत.