नवी मुंबई -अल्पवयीन मुलीसोबत जबरदस्तीने शारीरिक सबंध ठेवून गर्भवती करणाऱ्या नराधमाला नवी मुंबई पोलिसांनी अटक केली आहे. या नराधमास पोलीस कोठडी सुनावण्यात आली आहे. उलवे सेक्टर २ मध्ये संबंधीत अल्पवयीन मुलगी राहत असून ती घरकाम करते. या 15 वर्षीय अल्पवयीन युवतीची एका तीस वर्षीय विवाहित युवकासोबत चार महिन्यापूर्वी ओळख झाली. मैत्री वाढवण्याच्या नादात नराधमाने अल्पवयीन मुलीला आपल्या प्रेमाच्या जाळ्यात ओढले. संबधीत तरुण विवाहित असल्याची कल्पना न देता तिच्यावर दबाव टाकत जबरदस्तीने तिच्यासोबत शारीरिक संबंध प्रस्थापित केले. या शारीरिक संबंधातून ती दोन ते अडीच महिन्यांची गर्भवती राहिल.
प्रतिक्रिया देताना पोलीस उपायुक्त अल्पवयीन मुलीच्या आईला कळताच गाठले पोलीस स्टेशन :मुलगी गर्भवती असल्याचा संपूर्ण प्रकार मुलीच्या आईला कळताच आईने त्वरित एनआरआय पोलीस स्टेशनमध्ये या प्रकरणाची तक्रार दाखल केली. चौकशीतून मुलगी दोन ते अडीच महिन्याची गरोदर असल्याचे निष्पन्न झाले. आरोपीने काम करत असलेल्या सलूनच्या मागच्या रूममध्ये नेऊन तिच्यावर दबाव टाकून तिच्याशी जबरस्तीने शारीरिक संबंध प्रस्थापित केल्याची कबुली दिली आहे. त्यानंतर आरोपींने सतत मुलींवर लैगिंक संबंध ठेवले. त्यामुळे आरोपीवर पॉक्सो अंतर्गत एनआरआय पोलीस स्टेशनमध्ये गुन्हा दाखल करण्यात आले आहे. यामध्ये आरोपीला अटक केली असता त्याला पोलस कोठडी सुनावण्यात आली असून पुढील तपास सुरू असल्याचे यावेळी गुन्हे अन्वेषण विभागाचे उपायुक्त सुरेश मेंगडे यांनी सांगितले.
