Bombay High Court: बलात्कार पीडित महिलेने संमती दिल्याखेरीज भूषण कुमारवरील बलात्काराचा एफआयआर रद्द करता येत नाही- मुंबई उच्च न्यायालय

बलात्कार पीडित महिलेने संमती दिल्याखेरीज टी सिरीज कंपनीचा मालक भूषण कुमार यांच्यावरील बलात्काराचा एफआयआर रद्द करता येत नाही, असे मुंबई उच्च न्यायालयाने म्हटले आहे. टी सिरीज मालक भूषण कुमार याची मागणी उच्च न्यायालयाने फेटाळली आहे.

मुंबई :टी सिरीजचा मालक भूषण कुमार याच्यावर एका महिलेवर बलात्कार केल्याचा खटला मुंबई उच्च न्यायालयात सुरू आहे. या प्रकरणी न्यायालयाने महत्त्वाचे निरीक्षण नोंदविले आहे. खटल्यातील पीडित बलात्कारीत महिलेने तक्रार आता मागे घेतलेली आहे. असा दावा करत 'त्यामुळे तिची संमती मिळाली आहे' असे समजून त्याच्यावरील दाखल केलेला एफआयआर रद्द करा' अशी केलेली मागणी उच्च न्यायालयाने फेटाळून लावली आहे. टी सिरीज या ध्वनिमुद्रण कंपनीचा मालक भूषण कुमार याने एका महिलेवर बलात्कार केल्याचा गुन्हा दाखल झालेला आहे.

बलात्कार केल्याचा खटला :पोलीस ठाण्यामध्ये त्याबाबत एफआयआर दाखल झाल्यानंतर त्याच्यापुढे खटला देखील सुरू झाला. परंतु जिच्यावर बलात्कार झालेला आहे. त्या महिलेने तक्रार मागे घेतली आहे, असा दावा भूषण कुमारकडून करण्यात आला. त्यामुळे त्याच्यावर तिने दाखल केलेला एफआयआर हा रद्द करावा, अशी मागणी करणारी याचिका मुंबई उच्च न्यायालयाने फेटाळून लावली. न्यायालयाने या याचिकेच्या संदर्भात अधोरेखित केले की, बलात्काराचा गुन्हा हा गंभीर गुन्हा असतो.

बलात्काराचा आरोप असणारा प्रथम माहिती अहवाल : पीडित महिलेने पूर्णतः संमती दिल्याखेरीज तो अशा पद्धतीने रद्द करता येत नाही. त्यामुळे तिने तक्रार मागे मागे घेतली आहे, असे आरोपी म्हणत आहे. मात्र तिची संमती आहे असे स्पष्टपणे न्यायालयाला खात्री झाली तर न्यायालयात त्याच्यावर विचार करू शकते. अन्यथा नाही, असे म्हणत टी सिरीज कंपनीचा मालक भूषण कुमार याची याचिका फेटाळून लावली. त्याला दिलासा द्यायला न्यायालयाने नकार दिला. मुंबई उच्च न्यायालयाचे न्यायमूर्ती पि डी नाईक व न्यायमूर्ती गडकरी यांच्या खंडपीठाने भूषण कुमार याची याचिका फेटाळून लावत म्हटले आहे की, त्याच्यावर दाखल झालेला बलात्काराचा आरोप असणारा प्रथम माहिती अहवाल हा रद्द करता येत नाही.