मुंबई - मुंबई मेट्रो रेल्वे कॉर्पोरेशनच्या व्यवस्थापकीय संचालक पदावरुन अश्विनी भिडे यांची बदली करण्यात आली आहे. भिडे यांच्या जागी रणजीतसिंग देओल यांची नियुक्ती करण्यात आली आहे. आरे कारशेडच्या मुद्द्यावरुन अश्विनी भिडे आणि शिवसेनेमध्ये संघर्ष झाला होता. अश्विनी भिडे यांची बदली झाली असली तरी त्यांना सध्या नवीन पदभार देण्यात आलेला नाही.
राज्यामध्ये महाविकासआघाडीचे सरकार स्थापन झाल्यानंतर अश्विनी भिडे यांना सचिव पदावरून प्रधान सचिवपदी बढती देण्यात आली होती. मेट्रो कारशेडसाठी आरेमध्ये वृक्षतोड करण्यात आली होती. या वृक्षतोडीला शिवसेनेसह पर्यावरणवाद्यांनी विरोध केला होता.