मुंबई :राखी सावंतवर एका महिला मॉडेलचा आक्षेपार्ह व्हिडिओ आणि फोटो व्हायरल केल्याचा आरोप आहे. यानंतर तक्रारदार मॉडेलच्या तक्रारीवरून आंबोली पोलिसांनी गुन्हा दाखल केला आहे. शर्लिन चोप्राने ट्विट करत राखीच्या अटकेची माहिती दिली आहे. नुकतेच राखीने आईच्या आजारपणाची व्यथा मांडली. एकीकडे राखीला वैवाहिक जीवनाची चिंता आहे. तर दुसरीकडे राखीची आई आजारी आहे.
यावरून सुरू झाला वाद :शर्लिन चोप्रा आणि राखी यांच्यातील वाद तेव्हा सुरू झाला होता, जेव्हा शर्लिनने बिग बॉसमध्ये मीटू आरोपी साजिद खानच्या प्रवेशावर नाराजी व्यक्त केली. शर्लिन म्हणाली होती की, बिग बॉसच्या घरात अशा लोकांना प्रवेश देऊ नये, ज्यांनी महिलांचे लैंगिक शोषण केले आहे. साजिद खानला सपोर्ट करताना राखी सावंतने शर्लिनला सुनावले. यानंतर दोघांमध्ये जोरदार भांडण झाले आणि त्यांच्यातला वाद आणखी वाढत गेला.
शर्लिन चोप्राने ट्विटरवर माहिती दिली : शर्लिन चोप्राने तिच्या अधिकृत ट्विटर हँडलवरून एक पोस्ट शेअर करून माहिती दिली आहे. शर्लिनने पोस्टमध्ये लिहिले, 'ब्रेकिंग न्यूज!!! आंबोली पोलिसांनी FIR 883/2022 संदर्भात राखी सावंतला अटक केली. काल राखी सावंतचा ABA 1870/2022 मुंबई सत्र न्यायालयाने फेटाळला.'
राखीने भगव्या रंगाचा हिजाब परिधान केला होता: मनोरंजन विश्वाची ड्रामा क्वीन राखी सावंत ही कोणत्या ना कोणत्या कारणाने चर्चेत असते. सध्या ती आदिल खान दुर्रानीसोबतच्या लग्नामुळे सोशल मीडियावर चर्चेत आहे. राखी सोशल मीडियावर सक्रिय राहते आणि एकापेक्षा जास्त फोटो आणि व्हिडिओ शेअर करत असते. अलीकडेच तिने एक व्हिडिओ शेअर केला आहे. त्यामध्ये ती भगव्या रंगाचा हिजाब परिधान केलेला दिसत आहे.
राखीने धर्म बदलला : बिग बॉस फेम अभिनेत्री राखी सावंतने बिझनेसमन आदिल खान दुर्रानीसोबत लग्न केल्यानंतर धर्म बदलला आणि आता तिने इस्लाम धर्म स्वीकारला आहे. तिने तिचे नाव बदलून फातिमा ठेवले आहे. हे तिच्या विवाह प्रमाणपत्राद्वारे उघड झाले आहे. राखी सावंतने तिच्या इंस्टाग्राम अकाउंटवर लग्नाशी संबंधित अनेक फोटो आणि व्हिडिओ शेअर केले आहेत.
मुकेश अंबानींनी राखीच्या आईच्या उपचारासाठी केली मदत :राखी सावंतची आई कॅन्सरनंतर ब्रेन ट्युमरशी झुंज देत आहे. नुकतेच राखीने सोशल मीडियावर आईच्या आजारपणाची व्यथा मांडली होती. राखी म्हणाली की, आईला कुणालाच ओळखता येत नाही. तिला जेवायलाही जमत नाही. अशा काळात मुकेश अंबानी त्यांच्यासाठी मसिहा बनून आले आहेत. मुकेश अंबानी राखीच्या आईच्या उपचारात मदत करत आहेत.
हेहा वाचा :Rakhi Sawant Police Inquiry : मुंबई पोलिसांकडून अभिनेत्री राखी सावंतची चौकशी; वाचा, काय आहे प्रकरण?
