मुंबई :मुंबईतील हायप्रोफाईल शीना बोरा हत्याकांड ( Sheena Bora Murder Case Update) प्रकरणांमध्ये प्रमुख साक्षीदार राहुल मुखर्जीची उलट तपासणी (Cross examination of Rahul Mukherjee) आज पीटर मुखर्जीच्या वकील मंजुळा राव यांच्यावतीने घेण्यात आली. उलट तपासणी दरम्यान विचारण्यात आलेल्या प्रश्नाला उत्तर देताना राहुल मुखर्जीने म्हटले की, शीना बोरा आणि माझ्या संबंधाबद्दल वडील पीटर मुखर्जी यांना कुठलीही हरकत (Peter Mukherjee was not against his love affair ) नव्हती. कधी विरोधी नव्हता किंबहुना त्याने दावा केला होता की इंद्राणीच्या कुटुंबाचा तिच्याशी असलेल्या त्याच्या संबंध संदर्भात विरोध होता. शीना बोरा जिवंत आहे की नाही हे मला माहीत नाही, असे मुंबई सत्र न्यायालयातील (Mumbai Sessions Court) विशेष सीबीआय कोर्टात (Special CBI Court) न्यायाधीश एस पी नाईक निंबाळकर यांच्या समोर कोर्टात म्हटले आहे. सोमवारी पुन्हा राहुल मुखर्जीची उलट तपासणी सुरू राहणार आहे. Latest news from Mumbai, Mumbai Crime
इंद्राणीचे कुटुंब माझ्यावर नाराज होते : राहुल मुखर्जी ने म्हटले की वडिलांनी सांगितले इंद्राणीचे कुटुंब शीनासोबतच्या माझ्या संबंधांवर खूश नव्हते असे सांगितले होते राहुलचा शीनासोबतचा संबंध हा तिच्या हत्येमागील हेतू असल्याचा दावा फिर्यादीने केला होता. पीटर मुखर्जीला या हत्तीच्या कटात कथित भूमिकेवरील संशयावरून सीबीआयने त्यांच्यावर या हत्यात सहभागी असल्याचा आरोप लावत गुन्हा दाखल केला होता. पीटर मुखर्जी चे राहुल आणि शीना यांच्या नात्याला विरोध असल्याचा दावा देखील करण्यात आला होता मात्र राहुल मुखर्जी यांच्या या जबाबाने तोही या नात्याच्या विरोधात असल्याचा दावा पूर्णपणे खोडून काढल्याने या विधानाला अधिक महत्त्व प्राप्त झाले आहे. 24 एप्रिल 2012 रोजी ती अचानक बेपत्ता होण्यापूर्वी राहुल आणि शीनाचे लग्न झाले होते. मात्र 2015 मध्ये रायला अन्य एका प्रकरणात अटक करण्यात आली तेव्हा हा गुन्हा उघडकीस आला होते.
पीटरने शीनाला इंद्राणीसोबतच्या तिच्या नात्याबद्दल विचारले :मुंबई सत्र न्यायालयातील विशेष सीबीआय कोर्टात झालेल्या उलटतपासणीत राहुलने हे देखील उघड केले की शीना आणि राहुल एकत्र राहू लागल्यावर दोन ते तीन महिन्यांनंतर ते पीटर आणि इंद्राणीला वरळी येथील पीटरच्या घरी भेटले होते. त्यावेळी राहुल म्हणाला की त्याने शीनाला पीटरला ती इंद्राणीची मुलगी असल्याचे उघड करण्यास सांगितले होते. इंद्राणीच्या उपस्थितीत पीटरने शीनाला इंद्राणीसोबतच्या तिच्या नात्याबद्दल विचारले. तेव्हा शीनाने ती इंद्राणीची बहीण असल्याचे सांगितले होते. शीनाने इंद्राणीशी तिचे खरे नाते का उघड केले नाही हे मला नंतर कळले. शीनाने नंतर मला सांगितले की तिचे आजी आजोबा इंद्राणीवर अवलंबून आहेत. तिने खरे सांगितले असते तर सर्वांना त्रास झाला असता राहुलने न्यायालयात सांगितले. ते पुढे म्हणाले की इंद्राणीने नंतर पीटरला तिच्या कौटुंबिक बाबी आणि तिच्या संबंधांमध्ये हस्तक्षेप करू नये असे सांगितले होते.
ती सही माझ्या वडिलांची नाही :राहुलने असेही नमूद केले की, शीनाने त्याला एकदा कथितपणे पीटरने बनवलेले इच्छापत्र दाखवले होते; परंतु राहुलने सांगितले की, त्यावरील सही त्याच्या वडिलांची नव्हते. आम्ही गुवाहाटी येथे असताना शीनाने मला माझे वडील पीटर यांनी सही केलेली इच्छा दाखवली होती. दिलेल्या इच्छेनुसार दिल्लीतील फ्लॅट शीनाला वयाची पूर्ण झाल्यानंतर तिच्याकडे जाईल. ती सही माझ्या वडिलांची नाही हे मी लगेच ओळखले. मी ही वस्तुस्थिती शीनाला ताबडतोब सांगितली असे राहुलने कोर्टात सांगितले.
राहुल मुखर्जीची उलट तपासणी सुरू राहणार :इंद्राणी पीटर आणि त्याच्या संयुक्त नावाने सिंडिकेट बँकेत असलेल्या खात्याबाबत आपल्याला माहिती नसल्याचेही त्याने न्यायालयाला सांगितले. त्याने असेही सांगितले की इंद्राणीने तिच्या वकिलामार्फत पीटरचे नाव या खात्यातून काढून घेतले होते. नंतर पीटरने त्या संदर्भात कोर्टात अर्ज केला होता हे देखील मला माहीत नव्हते. सोमवारी पुन्हा राहुल मुखर्जीची उलट तपासणी सुरू राहणार आहे.
