नवी दिल्ली - महाराष्ट्रामध्ये विधानसभा निवडणुकीच्या प्रचाराने जोर धरला आहे. सर्वच राजकीय पक्षाचे उमेदवार रॅली आणि लोकांच्या भेटी घेण्यात व्यस्त आहेत. महाराष्ट्रामध्ये मरगळ आलेल्या काँग्रेस पक्षाला उभारी देण्यासाठी काँग्रेसचे नेते राहुल गांधी स्वत: प्रचारासाठी येणार आहेत.
काँग्रेसला उभारी देण्यासाठी खुद्द राहुल गांधीच मैदानात, रोड शो द्वारे करणार शक्तिप्रदर्शन
राहुल गांधी १० ते १९ ऑक्टोबर दरम्यान विधानसभा निवडणुकीच्या प्रचारासाठी महाराष्ट्रामध्ये येणार आहेत. यावेळी रोड शो आणि रॅलींचे आयोजन करण्यात आले आहे.
राहुल गांधी
राहुल गांधी १० ते १९ ऑक्टोबर दरम्यान विधानसभा निवडणुकीच्या प्रचारासाठी महाराष्ट्रामध्ये येणार आहेत. यावेळी रोड शो आणि रॅलींचे आयोजन करण्यात आले आहे. राहुल गांधीच्या दौऱ्याच्या पार्श्वभुमीवर काँग्रेस कार्यकर्ते कामाला लागले आहेत. राज्याच्या विविध भागांमध्ये सभा आयोजित करणार असून कार्यकर्त्यांना प्रोत्साहीत करण्याचे काम राहुल गांधी करणार आहे.
महाराष्ट्र आणि हरियाणा राज्याच्या विधानसभा निवडणूका एकाच तारखेला आहेत. राहुल गांधी हरियाणा राज्यामध्येही प्रचारासाठी जाणार आहेत. हरियाणा राज्यामध्ये कालच काँग्रेसचे ८४ सदस्यांची यादी जाहीर केली असून जोरदार प्रचाराला सुरुवात केली आहे.