मुंबई- काँग्रेसचे ज्येष्ठ नेते राधाकृष्ण विखे पाटील यांनी आपल्या विधानसभा विरोधीपक्ष नेतेपदाचा राजीनामा दिला आहे. काँग्रेस अध्यक्ष राहुल गांधी यांच्याकडे हा राजीनाम देण्यात आला होता. राहुल गांधींनी तो राजीनामा स्विकारल्याची माहिती काँग्रेसचे प्रदेशाध्यक्ष अशोक चव्हाण यांनी दिली. तसेच त्यांनी आपल्या निर्णयाचा फेरविचार करावा असे आवाहनही अशोक चव्हाण यांनी केले आहे.
काँग्रेस प्रदेशाध्यक्ष अशोक चव्हाण
राधाकृष्ण विखे पाटील हे आपल्या मुलाचा प्रचार करत असल्याचा आरोप काँग्रेस नेत्यांकडून त्यांच्यावर सातत्याने करण्यात येत होता. मुलगा सुजयसाठी नगर लोकसभेची जागा न सोडल्याने राधाकृष्ण विखे पाटलांची नाराजी स्पष्टपणे उघड होती. अखेर त्यांनी विधानसभा विरोधी पक्षनेते पदाचा राजीनामा दिला आहे.