मुंबई- लोकसभा निवडणुकीचा निकाल यायला काही तास बाकी उरले आहेत. मात्र, उत्तर मुंबई मतदार संघात २३ तारखेच्या विजयाच्या जल्लोषाची तयारी उद्याच्या विजयाची तयारी सुरू झालेली आहे. उत्तर मुंबईतील बोरीवलीत गोपाळ शेट्टी यांच्या विजयासाठी सुमारे ३ हजार किलो लाडू बनवण्यात येत आहेत.
लाडू बनवणारे कामगार देखील पंतप्रधान नरेंद्र मोदी यांचा चेहऱ्याचा मुखवडा घालून लाडू वळत आहेत. हे ३ हजार किलो लाडू विजयानंतर वाटले जाणार आहेत. व्यास समाजाकडून हे लाडू बनवण्याची ऑर्डर देण्यात आली आहे.
उत्तर मुंबई मतदारसंघातून भाजप उमेदवार गोपाळ शेट्टी यांनी निवडणूक लढवली होती. त्यांच्या विरोधात अभिनेत्री उर्मिला मातोंडकर रिंगणात होत्या. दोन्ही उमेदवारांनी जनतेची मते मिळवण्यासाठी लाख प्रयत्न केले. मात्र, आता कोण विजयी होणार? हे एक ते दोन दिवसात कळणारच आहे. तरीही भाजप उमेदवार गोपाळ शेट्टी उत्तर मुंबईचा गढ कायम राखतील. तसेच ते बहुमताने विजयी होतील, असा विश्वास भाजप कार्यकर्त्यांना वाटत आहे. त्यामुळे ही लाडू बनवण्याची आर्डर देण्यात आली आहे.