शिवसेनेची बार्गेनिंग पॉवर वाढली, भाजप जुमाणणार नाही - विश्लेषकांचे मत

राज्याच्या विधानसभा निवडणुकीचा कौल आल्यानंतर महायुतीला सरकार स्थापन करण्यासाठी कल असला तरी लोकसभेला शिवसेना-भाजपमध्ये ठरलेल्या फार्मुल्याचा मुद्दा समोर येत आहे. शुक्रवारी शिवसेना पक्ष प्रमुख उद्धव ठाकरे यांनी घेतलेल्य पत्रकार परिषदेत ठरलेल्या गोष्टींचा उल्लेख केला आहे.

मुंबई -भाजपला जनतेने बहुमताचा कौल दिला नसल्याने शिवसेनेची बार्गेनिंग पॅावर वाढली आहे. मात्र, भाजप सहजासहजी शिवसेनेच्या मागण्यांना जुमाणणार नसल्याचे मत ज्येष्ठ पत्रकार आणि विश्लेषक जतीन देसाई यांनी व्यक्त केले आहे.

हेही वाचा - कर्जत-जामखेडमध्ये नवे 'रोहित'पर्व, भाजपच्या राम शिंदेंचा दारुण पराभव

मुंबईतल्या 36 पैकी तब्बल तीस जागा भाजप आणि शिवसेना महायुतीने पटकवल्या आहेत. शहरी भागातल्या मतदारांनी महायुतीला भरभरून मत दिले असल्याचेही देसाई यांनी सांगितले. मात्र शहरी भागात नागरी प्रश्नांपेक्षा धार्मिक ध्रुवी करणावरच मतदान होतंय की काय? असा प्रश्न आता निर्माण होत असल्याचे त्यांनी सांगितले.

हेही वाचा - 'कराड दक्षिण'वर पुन्हा पृथ्वी'राज'!