Devendra Fadnavis : सागर बंगल्याला पोलीस छावणीचे स्वरुप; पोलीस देवेंद्र फडणवीसांच्या शासकीय निवासस्थानी दाखल

फडणवीस यांनी 23 मार्च 2021 रोजी मुंबई येथे पत्रकार परिषद घेतली होती. त्यामध्ये त्यांनी महाराष्ट्रातील वरिष्ठ पोलिस अधिकाऱ्यांच्या बदल्या आणि नियुक्‍त्यांमध्ये मोठ्या प्रमाणावर भ्रष्टाचार झाल्याचा आरोप केला होता. त्यासंबंधीची कागदपत्रे केंद्रीय गृहसचिवांकडे सादर केली होती. संबंधित प्रकरण केंद्रीय गुन्हे अन्वेषण (सीबीआय) विभागाकडे आहे. याच प्रकरणामध्ये राज्याचे तत्कालीन गृहमंत्री अनिल देशमुख यांच्यावर आरोप करण्यात आले आहेत.

मुंबई -पोलिसांच्या बदल्यांच्या घोटाळ्यासंबंधी माजी मुख्यमंत्री व विरोधी पक्षनेते देवेंद्र फडणवीस ( Devendra Fadnavis ) यांना मुंबई पोलिसांच्या सायबर गुन्हे शाखेच्या ( Mumbai Police Cyber Crime Branch ) पोलिसांनी जबाब नोंदविण्यासाठी शुक्रवारी नोटीस बजावली. त्यानुसार, फडणवीस हे रविवारी बीकेसीच्या सायबर पोलीस ठाण्यात जबाब नोंदविणार होते. मात्र, काही तासातच कायदा व सुव्यवस्थेचे कारण देत पोलिसांनी त्यांना इथे न येता ते स्वतः त्यांच्या सहकारी शासकीय निवासस्थान 'सागर' बंगला येथे येऊन जबाब नोंदवतील, असे सांगितल्याने देवेंद्र फडणवीस यांच्या दक्षिण मुंबईतील शासकीय निवासस्थाना बाहेर गर्दी जमली आहे. या परिसराला पोलीस छावणीचे स्वरूप आलेल आहे. पोलिसांचा मोठा फौजफाटा येथे तैनात करण्यात आलेला आहे. मुंबई सायबर सेलचे डीसीपी हेमराज राजपूत व एसीपी नितीन जाधव हे अधिकाऱ्यांसोबत दुपारी साडेबाराच्या दरम्यान देवेंद्र फडवणीस यांच्या शासकीय निवासस्थान दाखल झाले. अधिकाऱ्यांनी बंगल्यात प्रवेश केला असून जबाब नोंदवण्याचे काम सुरु आहे.

काय आहे प्रकरण?

फडणवीस यांनी 23 मार्च 2021 रोजी मुंबई येथे पत्रकार परिषद घेतली होती. त्यामध्ये त्यांनी महाराष्ट्रातील वरिष्ठ पोलिस अधिकाऱ्यांच्या बदल्या आणि नियुक्‍त्यांमध्ये मोठ्या प्रमाणावर भ्रष्टाचार झाल्याचा आरोप केला होता. त्यासंबंधीची कागदपत्रे केंद्रीय गृहसचिवांकडे सादर केली होती. संबंधित प्रकरण केंद्रीय गुन्हे अन्वेषण (सीबीआय) विभागाकडे आहे. याच प्रकरणामध्ये राज्याचे तत्कालीन गृहमंत्री अनिल देशमुख यांच्यावर आरोप करण्यात आले आहेत. या पार्श्‍वभुमीवर, फडणवीस यांनी गोपनीयतेचा भंग केल्याबद्दल त्यांच्याविरुद्ध फौजदारी दंडसंहिता कलम 160 नुसार मुंबई पोलिसांच्या सायबर गुन्हे शाखेकडे गुन्हा नोंदविण्यात आला आहे. त्यामध्ये भारतीय टेलिग्राफ ऍक्‍ट कलम 43 ब, 66 माहिती तंत्रज्ञान अधिनीयम 2008 सुधारीत सहकलम 05, गोपनीयतेचा भंग (ऑफीशियल सिक्रेट ऍक्‍ट) 1923 असा उल्लेख आहे.

संबंधित प्रकरणाचा तपास मुंबई सायबर गुन्हे शाखेच्या पथकाकडून केला जात आहे. या प्रकरणाची अधिक माहिती घेण्यासाठी फडणवीस यांचा जबाब घेण्यासाठी सायबर पोलिसांनी प्रारंभी प्रश्‍नावली पाठविली होती. परंतु, फडणवीस यांनी संबंधित प्रश्‍नावलीस उत्तर दिले नाही. त्यानुसार, पुन्हा 6 सप्टेंबर 2021 या दिवशी पोलिसांनी आणखी एक पत्र त्यांना पाठविले. त्यानंतर फडणवीस यांनी लवकरच माहिती पाठविणार असल्याचे पोलिसांना कळविले होते. परंतु पाच ते सहा वेळा पत्र पाठवूनही त्यांनी पोलिसांना उत्तर दिले नाही.

पोलीस देवेंद्र फडणवीसांच्या शासकीय निवासस्थानी दाखल

हेही वाचा -FIR Against Rane Brothers : शरद पवारांवरील आरोप भोवले, राणे बंधूंवर आझाद मैदान पोलीस स्टेशनमध्ये गुन्हा दाखल

आज पूर्ण दिवस घरीच -

त्यानुसार आज रविवारी मुंबई सायबर गुन्हे शाखेचे सहाय्यक पोलीस आयुक्त नितीन जाधव यांनी फडणवीस यांना जबाब नोंदविण्यासाठी सकाळी अकरा वाजता बीकेसी पोलीस ठाण्यात जबाब नोंदविण्यासाठी हजर राहण्याबाबत नोटीस बजावली होती. दरम्यान, कायदा व सुव्यवस्था सुव्यवस्थेचा प्रश्न निर्माण होत असल्याने ही नोटीस रद्द करून त्यांचा जबाब त्यांच्या निवासस्थानीच नोंदवला जाईल असे सायबर सेल कडून सांगण्यात आले. त्यानुसार आज त्यांचा जबाब नोंदवण्यात येईल या कारणास्तव देवेंद्र फडणवीस यांनी त्यांचा आजच्या पुण्या दोऱ्याचे सर्व कार्यक्रम रद्द करून आज संपूर्ण दिवस ते त्यांच्या निवासस्थानी राहणार असल्याचे सांगितले आहे.