मुंबई :मॉडेलवर बलात्कार केल्याप्रकरणी रांचीतील नराधमाच्या मुंबई पोलिसांनी मुसक्या आवळल्या आहेत. रांजीतील या नराधमाच्या विरोधात गुन्हा दाखल करण्यात आला आहे. मुंबईच्या वर्सोवा पोलिस ठाण्यात आयपीसीच्या कलम ३७६(२)(एन), ३२८, ५०६, ५०४, ३२३ आणि आयटी कायद्याच्या कलम ६७ नुसार गुन्हा दाखल करण्यात आला आहे.
पीडिता बिहारमधील भागलपूरची :पीडिता मूळची बिहारमधील भागलपूरची रहिवासी आहे. ती मॉडेलिंग वर्कशॉपच्या संदर्भात रांची येथे आली होती. तेव्हा ती आरोपीच्या संपर्कात आली. आरोपीने 2021 पासून तिच्यावर वारंवार बलात्कार केला असून तिला धमकावून ब्लॅकमेल केले आहे. आरोपीने तिला कोणाला माहिती दिल्यास गंभीर परिणाम भोगावे लागतील अशी धमकीही दिली होती.
धर्मासह नाव बदलण्यासाठी दबाव :तिला तिचे मॉडेलिंग करिअर करण्यासाठी मुंबईला जायचे होते. परंतु त्याने मला धर्म बदलण्यास सांगणे आणि त्याच्याशी लग्न करण्यास सांगितले. नराधमाने नाव बदलण्यासाठी दबाव आणल्याचेही पीडितेने सांगितले. आरोपीने तिच्यावर शूटिंगसाठी बँकॉकला येण्यासाठी दबाव आणला आणि तिने नकार दिल्यावर तिचे फोटो व्हायरल करण्याची धमकी दिली.